BAKI, AzerVoice
Yanvar ayında Azərbaycan vətəndaşları geyim, ayaqqabı və toxuculuq məhsullarına 701,6 milyon manat xərcləyib. Dövlət Statistika Komitəsinin məlumatına əsasən, bu göstərici ötən ilin eyni dövrü ilə müqayisədə 36 milyon manat (5,4%) artıb.
Pərakəndə ticarət sektorunda geyim və ayaqqabı satışının xüsusi çəkisi 14,5% təşkil edib.
Ümumilikdə, 2024-cü ilin ilk ayında ölkədə pərakəndə ticarət dövriyyəsi 4,8 milyard manata çatıb. Bunun 2,6 milyard manatı ərzaq məhsulları, içkilər və tütün məmulatlarına, 2,2 milyard manatı isə qeyri-ərzaq mallarına aid olub.
Statistika göstərir ki, ötən ilin eyni dövrü
ilə müqayisədə pərakəndə ticarət dövriyyəsi real ifadədə
3,7% artıb. Artım qeydə alınan sahələr arasında:
Ərzaq məhsulları, içkilər və tütün məmulatları üzrə –
1,8%
Qeyri-ərzaq malları üzrə – 6,1%