Bakı, AzerVoice

Sarp Kuleli Təkmilləşdirilmiş Zirehli personal daşıyıcıları (GZPT) Türk Silahlı Qüvvələrinin Quru Qoşun Komandanlığına təhvil verilib.

AzerVoice xəbər verir ki, bu barədə Türkiyə Milli Müdafiə Nazriliyinin verdiyi açıqlamada deyilib.

“Yerli və milli müdafiə sənayesi məhsullarımızla Türk Silahlı Qüvvələrimizin imkanlarının artırılması istiqamətində fəaliyyətlər davam edir. Bu çərçivədə Quru Qoşunları Komandanlığı müxtəlif həcmdə Sarp Kuleli gücləndirilmiş zirehli personal daşıyıcılarının təftiş və qəbulunu tamamlayıb.",- deyə açıqlamada bildirilib.

Nəzərinizə çatdıraq ki, 2023-cü ilin may ayında Türkiyə Silahlı Qüvvələri üçün “Təkmilləşdirilmiş Zirehli Personel Daşıyıcısının (GZPT) Modernləşdirilməsi Layihəsi”-nin imzalanma mərasimi keçirilib. Bu layihə ilə 2000-ci illərin əvvəllərində təhvil verilmiş və müxtəlif əməliyyatlarda iştirak etmiş avtomobillərin ən azı 20 il daha yüksək performansla xidmət göstərə bilməsi hədəflənir.

Layihə çərçivəsində avtomobillərə istifadəçi tələblərinə uyğun olaraq kondisioner sistemi, yeni nəsil avtomobil elektronikası, pilotsuz iki qollu qüllə, atəş aşkarlama sistemi və yerləşdirmə naviqasiyası sistemi inteqrasiya edilib. Bu yolla, nəqliyyat vasitələrinin texnoloji imkanlarını və əməliyyat imkanlarını əhəmiyyətli dərəcədə artırmaq hədəflənir.