Bakı,AzerVoice

Yeni Zelandiya Fələstinin HƏMAS qruplaşmasını bütövlükdə terrorçu təşkilatlar siyahısına salıb və İordan çayının qərb sahilində fələstinlilərə qarşı şiddətli hücumlar törədən ekstremist israilli mühacirlər üçün səyahət tətbiq edib.

AzerVoice xəbər verir ki, baş nazir Kristofer Luxon açıqlamasında HƏMAS-ın oktyabr ayında İsrailə qarşı hücumlarının  olduqca "qəddar” olduğunu  bildirib.

Baş nazir onu da əlavə edib ki , HƏMAS-ın hərəkətləri Qəzzadakı və bütün dünyada Fələstin xalqına əks təsir edir.

Qeyd edək ki, 29 fevral tarixində Qəzza şəhərinin cənubundakı Dovar ən-Nablusi yaxınlığında yüzlərlə fələstinli yardım gözləyərkən İsrail tərəfindən atəşə tutulub.

Nəticədə yardım gözləyən 120 nəfər həlak olun minə yaxın insan müxtəlif  dərəcədə zədə alıb. Ölənlər arasıdan uşaq və qadınlar da var.

İsrailin 7 oktyabrdan bəri Qəzza zolağına təşkil etdiyi hücumlarda ən az 12 min 660-ı uşaq, 8 min 570-i qadın olmaqla, 30 mindən çox fələstinli həlak olub, 70 min nəfər isə yaralanıb.

Dağıntılar altında hələ də minlərlə ölü olduğu bildirilərkən, insanların sığındığı xəstəxana və təhsil müəssisələri hədəf alınaraq mülki infrastruktur da məhv edilir.

Qəzzada 1,9 milyon fələstinli havadan, qurudan və dənizdən edilən hücumlar səbəbilə didərgin düşüb.

İsrailin maneələri səbəbindən bölgəyə kifayət qədər yardım çatdırıla bilmir. Fələstinlilər bir tərəfdən İsrailin hücumları ilə, digər tərəfdən isə hər gün dərinləşən aclıqla mübarizə aparır.