Bakı. AzerVoice:
Azərbaycan Əfqanıstan İslam Əmirliyinə səfir təyin edib.
AzerVoice-un məlumatına görə, Azərbaycanın Əfqanıstana təyin edilmiş səfiri İlham Məmmədov Kabildə Taliban hökumətinin xarici işlər naziri Əmir Xan Müttəqi ilə görüşüb.
Görüş zamanı səfir İlham Məmmədov Kabildə Azərbaycan Səfirliyinin açılması ilə bağlı rəsmi məktubu Əmir Xan Müttəqiyə təqdim edib.
Əfqanıstan nümayəndəsi qeyd edib ki, Taliban həm də Bakıda diplomatik mövcudluq səviyyəsini artırmaq istəyir.
İqtisadi əməkdaşlıq çərçivəsində tərəflər Əfqanıstanı Türkmənistan, Azərbaycan, Gürcüstan və Türkiyə vasitəsilə Avropa ilə birləşdirəcək Lapis Lazuli dəhlizinin tranzit layihəsini müzakirə ediblər.
