Bakı. AzerVoice:
Çilidə meşə yanğınlarında 20-ə yaxın insan ölüb.
AzerVoice-nin məlumatına görə, bu barədə Çili rəsmiləri açıqlama verib.
Açıqlamaya görə, Valparaiso və Vina del Mar sahil şəhərlərinin bir çox yerlərində çoxlu yanğınlar baş verib.
Çilinin daxili işlər naziri Karolina Toha yanğınlarla bağlı keçirdiyi mətbuat konfransında ölənlərin sayının daha da arta biləcəyini bildirib.
"Ölənlərin sayı daim dəyişir, indiyədək 19 nəfər ölüb. Digər bölgələrdə də ölüm halları ola bilər. Yanğın 43 min hektar əraziyə ziyan vurub". -deyə o bildirib.
Çili prezidenti Qabriel Boric ölkə ərazisində fövqəladə vəziyyət elan edib.
“Biz yanğınlara cavab vermək üçün bütün komandalarımızı ölkənin mərkəzi və cənub bölgələrinə yönləndirdik” - deyə o bildirib.
Xatırladaq ki, Çilidə 2023-cü ilin fevral ayında meşə yanğınları nəticəsində 27 nəfər həlak olub.
Hafiz Rufizoğlu
