Bakı. AzerPress:
Əsas məqsədimiz Türkiyə-Qırğızıstan arasında dostluğu möhkəmləndirməkdir.
AzerPress-in məlumatına görə, bu barədə Türkiyə xarici işlər naziri Hakan Fidan Qırğızıstan parlamentinin sədri Nurlanbek Şakiyev ilə görüşdə deyib
Şakiyev və Fidan arasında keçirilən görüşdə ikitərəfli siyasi, iqtisadi və mədəni əlaqələrin artırılması, parlamentlərarası əməkdaşlığın inkişafı müzakirə olunub.
İki ölkə arasında əlaqələrin artırılmasında parlamentlərin roluna diqqət çəkən Fidan bu sahədə göstərdiyi dəstəyə görə Qırğızıstan parlamentinin sədrinə təşəkkür edib.
Şakiyev Fidanın səfərinin iki ölkə arasında əlaqələrin möhkəmlənməsinə töhfə verəcəyini vurğulayıb.
O, Türkiyənin Qırğızıstanın ən böyük ticarət və iqtisadi tərəfdaşlarından biri olduğunu və iki ölkə arasında ticarət dövriyyəsinin artdığını bildirib.
“Biz bu tempi daha da artırmalı və ticarət həcmini iki milyard dollara çatdırmalıyıq” –deyə Nurlanbek Şakiyev deyib.
Hafiz Rufizoğlu