BAKI, VOA

1990-cı il mayın 22-də Cənubi Yəmən və Şimali Yəmən uzun müddət davam edən ayrı-seçkilikdən sonra vahid ölkə kimi – Yəmən Respublikası – olaraq birləşdi. Şimali Yəmənin prezidenti yeni ölkənin prezidenti seçildi, Cənubi Yəmən Sosialist Partiyasının rəhbəri isə vitse-prezident vəzifəsinə təyin olundu. İlk sərbəst seçkilər 1993-cü ildə keçirildi.

Ərəb yarımadasının cənub ucu yerləşən Yəmən 19-cu əsrin ortalarında Britaniya və Osmanlı imperiyası arasında bölünmüşdü. 1918-ci ildə şimaldan Osmanlılar çıxarıldı, lakin Britaniya cənubu hələ də 1967-ci ilə qədər idarə etdi. Bu vaxt Cənubi Yəməndə Ərəb dünyasının ilk və yeganə marksist dövləti – Cənubi Yəmən Xalq Respublikası – quruldu.

Yəmənin 1990-cı ildə birləşməsi planlandığı kimi rahat alındı demək olmazdı; 1991-ci ildə iqtisadi çətinliklər ölkəni iflic vəziyyətinə gətirdi və 1994-cü ildə Cənubun ayrılmaq istəyən qüvvələri ilə şimal mərkəzli hökumət arasında baş vermiş vətəndaş müharibəsi müvəqqəti olaraq Yəmən birliyini pozdu. Sərbəst seçkilər 1997-ci ildə bərpa olundu.