Bakı, AzerVoice

İsrail ordusunun 48 saatlıq təzyiqdən sonra işğal edilmiş İordan çayının qərb sahilindəki Tulkərim şəhərindən geri çəkildiyi açıqlanıb.

AzerVoice xəbər verir ki, şahidlərdən alınan məlumata görə, İsrail ordusu 5 ölü, çoxlu yaralı və infrastruktura böyük ziyan vurduqdan sonra Tulkerim şəhərindən geri çəkilib.

İsrail qüvvələri 48 saat ərzində buldozerlərlə əsas yolları, içməli su və kanalizasiya şəbəkələrini dağıdıb, elektrik dirəklərini söküb, evləri uşurub, maşınları yararsız hala salıb.

İsrail qüvvələri dünən də, 30 saat sonra Tubasdakı əl-Faria Qaçqınlar Düşərgəsindən geri çəkilmişdi.

Avqustun 28-də İsrail “İkinci İntifada”nın keçirildiyi 2002-ci ildən bəri “Yay düşərgələri” adlı ən intensiv və əhatəli hücumunu işğal altındakı Qərb sahilinin şimalındakı Cenin, Tülkərim və Tubas şəhərlərindəki qaçqın düşərgələrinə etdiyini açıqlayıb.

Qeyd edək ki, 7 oktyabr 2023-cü ildən bəri işğal altındakı İordan çayının qərb sahili və Şərqi Qüdsdə Fələstin torpaqlarını qəsb edən İsrail əsgərləri və israillilərin hücumları nəticəsində ən azı 670 fələstinli həyatını itirib.