Bakı, AzerVoice
Şənbə gününə planlaşdırılan HƏMAS və İsrail arasında əsir mübadiləsi təxirə salınıb.
AzerVoice xəbər verir ki, bu barədə HƏMAS-ın sözcüsünün verdiyi açıqlamada deyilir.
HƏMAS həmçinin, İsraili atəşkəs razılaşmasını pozmaqda və Qəzzada fələstinliləri hava hücumları ilə hədəfə almaqda ittiham edib.
Qeyd edək ki, İsrail və HƏMAS altı həftəlik atəşkəsin ortasındadır, bu müddət ərzində HƏMAS 2000-ə yaxın fələstinli məhbusun qarşılığında 7 oktyabr 2023-cü il hücumu zamanı əsir götürdüyü onlarla girovu azad edir.
Ötən ay atəşkəsin qüvvəyə minməsindən sonra tərəflər 21 girov və 730-dan çox məhbusu azad etməklə beş mübadilə həyata keçirib. Növbəti mübadilə şənbə gününə planlaşdırılıb və yüzlərlə fələstinli məhbusun müqabilində üç israilli girov azad edilib.