Bakı, AzerVoice
Asiya ölkələri və Şərqi Avropa ölkələrinə də İnkişaf Yolunun açılması planlaşdırılır
AzerVoice xəbər verir ki, Türkiyənin İnkişaf Yolu layihəsinin planlaşdırılması və masa üstü bəzi fəaliyyətləri tamamlanmaq üzrə ikən, bu yolun Avropa ilə yanaşı müxtəlif coğrafiyalara da açılması üçün yeni şəbəkələr yaradılır.
Körfəzi Avropaya birləşdirəcək İnkişaf Yolu layihəsi Qara dənizə də uzanacaq. Şırnak Ovaköydən Türkiyəyə daxil olacaq İnkişaf Yolu Mardin Diyarbəkir, Bingöl və Ərzurum vasitəsilə Qara dənizə çıxacaq. Bölgədəki limanlar vasitəsilə Rusiya və Ukraynaya açılacaq.
Bu çərçivədə İraqdan gələn İnkişaf Yolu Şırnak Ovaköy üzərindən Türkiyəyə daxil olacaq. Türkiyəyə girdikdən sonra Şırnak üzərindən Avropaya açılacaq İnkişaf Yolu qurulacaq yeni magistral şəbəkə ilə Ədirnəyə qədər fasiləsiz davam edəcək. İkinci bir marşrut olacaq Qara dəniz şəbəkəsi isə Mardin üzərindən çəkiləcək. Sonrakı mərhələlərdə layihə Diyarbəkir, Bingöl və Ərzurum vasitəsilə Qara dənizdəki limanlara açılacaq. Qara dənizdən dəniz yolu ilə Rusiya, Ukrayna və Gürcüstana çatacaq. Buradan magistral yollarla paylanacaq.
Qara dənizlə Şərqi birləşdirəcək bəzi yollarda yeni işlər aparılacaq. Bu marşrutla nəqliyyatın müddəti daha qısalacaq. Ərzurum üzərindən Qars və İğdırla da birləşdiriləcək İnkişaf Yolu Ermənistan və Azərbaycan kimi ölkələrə çatacaq. Beləliklə, həm region daxilində, həm də üçüncü ölkələrə ticarət trafiki artacaq.
Qeyd edək ki, Yeni İpək Yolu adlandırılan bu layihə Avropadan Körfəz ölkələrinə qədər geniş bir bölgəni əhatə edəcək. Layihə tamamlandıqdan sonra Fars körfəzi yaxınlığında tikilməkdə olan Fau limanının Türkiyənin Aralıq dənizindəki Mersin limanı ilə birləşdirilməsi planlaşdırılır. Belə ki, Şərqi Asiya və Fars körfəzindən Fav limanına daşınacaq yüklər daha sonra qatar və yük maşınları ilə 1200 kilometr məsafə uzaqlıqdakı Türkiyə sərhədinə, oradan isə Avropaya daşınacaq. Beləliklə, yükdaşımaların müddəti qısalacaq, nəqliyyat xərcləri azalacaq.
Onu da əlavə edək ki, Fau limanını Türkiyə sərhədi ilə birləşdirən və Fransanın “Alstom” şirkəti tərəfindən inşa edikəcək dəmir yolu dəhlizinin 18 milyard avroya başa gəlməsi və 2038-ci ilə qədər hazır olması gözlənilir
Üç mərhələdən ibarət olan bu layihənin ilk mərhələsi 2028-ci ildə yekunlaşacaq. Tam istifadəyə verilməsi isə 2050-ci ilə qədər planlaşdırılıb.
