BAKI,VOA, Fərid Mikayılov
Qırğızıstanın milli komandası iyun ayı ərzində FIFA günləri çərçivəsində Fələstin milli komandası ilə iki yoldaşlıq oyunu keçirəcək.
VOA xəbər verir ki, bu oyun həm də xeyriyyə məqsədilə təşkil edilir.
Bilet satışından əldə olunan gəlirin bir hissəsi Fələstin xalqına dəstək göstərmək üçün yönləndiriləcək.
Oyunlar 6 və 9 iyun tarixlərində Bişkek şəhərində Dölön Ömürzakov adına stadionda keçiriləcək.
Qırğızıstan Futbol Birliyi bütün azarkeşləri və ölkə vətəndaşlarını milli komandaya dəstək verməyə və xeyriyyə aksiyasının bir hissəsi olmağa dəvət edib.