Liviya Milli Birlik Hökumətinin baş naziri Əbdülhəmid Dbeibə Türkiyənin paytaxtı Ankara şəhərinə rəsmi səfərdən qayıdarkən təyyarənin ağır qəza ilə üzləşməsi nəticəsində Liviya ordusunun Baş Qərargah rəisi Məhəmməd Həddadın və onu müşayiət edən şəxslərin həlak olduğunu elan edib. Dbeibə həlak olanların xatirəsinə həsr etdiyi bəyanatda bildirib ki, hadisə nəticəsində Quru Qoşunlarının Baş Qərargah rəisi, general-leytenant rütbəli Fəturi Qəribil, Hərbi Sənaye Cihazının direktoru, briqada generalı Mahmud Qətiuvi, Baş Qərargah rəisinin müşaviri Məhəmməd Əlsəavi, həmçinin Baş Qərargahın media ofisinin fotoqrafı Məhəmməd Ömər Əhməd Məhcub da həyatını itirib.

ABŞ prezidenti Donald Tramp Ukraynada müharibəni dayandırmaq məqsədilə Rusiya prezidenti Vladimir Putinlə yeni bir sammit keçirməyi təklif edəndə, bu görüş üçün Macarıstanın paytaxtı Budapeştin seçilməsi təəccüblü olmadı. Viktor Orbanın 2010-cu ildə yenidən Macarıstanın baş naziri postuna qayıdışından sonra ölkə qonşu Ukraynada gedən münaqişədə fəal şəkildə iştirak edib. Vladimir Putinlə sıx münasibətləri olan Orban, Macarıstanın həm NATO, həm də Avropa İttifaqına üzv olması fonunda münaqişənin həlli istiqamətində mühüm fiqura çevrilib.

Kərim Mustafa Benzema1987-ci il, 19 dekabrda doğulub. O, Əlcəzair əsilli fransız milli futbolçudur. Hazırda Səudiyyə Ərəbistanının Peşəkar Liqasında çıxış edən “Əl-İttihad” klubunun formasını daşıyır. Futbol tarixinin ən güclü hücumçularından biri hesab olunan Benzema təkcə qol vurmaq bacarığı ilə deyil, həm də yüksək texniki keyfiyyətləri, oyunu oxuma qabiliyyəti, baxışı və meydandakı çoxşaxəli fəaliyyəti ilə seçilən yaradıcı forvet kimi tanınır.

27 oktyabr 1991-ci ildə Mahaçqalada anadan olan İslam Ramazanoviç Mahaçev hazırda Ultimate Fighting Championship (UFC) təşkilatında yarımorta çəki üzrə çempiondur. O, döyüş sambosu üzrə ikiqat Rusiya çempionu (2014, 2016), dünya çempionu (2016) və beynəlxalq dərəcəli idman ustasıdır. Mahaçev eyni zamanda UFC-nin çəki dərəcəsindən asılı olmayan rəsmi reytinqində (pound-for-pound) birinci pillədə qərarlaşıb.

Teymur türk və monqol mənşəli idi, lakin nüfuz qazanmaq məqsədilə sonradan özünü böyük monqol hökmdarları ilə əlaqələndirməyə xüsusi diqqət yetirmiş, bunu əsasən arvadlarından birinin əcdadları üzərindən etmişdir. Tarixçi D. Morqan qeyd edir ki, Teymur “mənşəcə monqol idi, dininə görə müsəlman, dili və mədəniyyətinə görə isə türk” idi (s. 176).

Kiçik yaşlarından musiqiyə həvəsi olan , Şineyd qohumlarının toyunda Barbra Streisandın “Evergreen” mahnısını ifa edir və bununla da 15 yaşlı O'Konnor Bono və U2-nin himayədarı kimi tanınan İrlandiyalı In Tua Nua (İng. In Tua Nua) qrupunun nağaraçısı Paul Byrne-nin diqqətini çəkir. O'Konnor bir müddət qrupla birlikdə çalışıraq vokalist kimi çıxış edir. O öz debüt sinqlı olan "Take My Hand"i birlikdə yazır və təhsilini yarımçıq buraxır.

Noam Avram Çomski 7 dekabr 1928-ci ildə ABŞ-ın Filadelfiya şəhərində, yəhudi mühacir ailəsində dünyaya gəlib. Atası Vilyam Çomski Rus imperiyasından (indiki Ukrayna ərazisi) hərbi xidmətdən yayınmaq üçün 1913-cü ildə ABŞ-a köçüb, əvvəlcə sexlərdə və ibtidai yəhudi məktəblərində işləyib, sonra tanınmış yəhudi alimi və müəllimi olub. Anası Elsie də Şərqi Avropadan – bu günkü Belarus bölgəsindən köçmüş yəhudi ailəsində doğulmuşdu. Evdə yəhudi mədəniyyəti mühüm yer tutsa da, valideynlər Yidiş dilini evdə danışmağı demək olar ki, qadağan etmişdilər.

Nelson Rolihlahla Mandela 18 iyun 1918-ci ildə doğulub. Xosa əsilli olan Mandela, Cənubi Afrikanın Mvezo bölgəsindəki Tembu kral ailəsində doğulmuşdur. O, əvvəlcə Fort Heyr Universitetində, daha sonra Vitvatersrand Universitetində hüquq təhsili almış, ardınca Yohannesburqda vəkil kimi çalışmışdı.

Şəbana Mahmudun sərt üsluba malik olduğu, gündə 16 saata qədər işlədiyi və hökumətin ən effektiv üzvlərindən biri olduğu geniş şəkildə bilinir. O, bir ildən çox Ədliyyə naziri vəzifəsində çalışmış və həbsxanaların həddən artıq doluluğunu azaltmaq üçün bəzi məhbusların vaxtından əvvəl azad edilməsi barədə cəsarətli qərar vermişdi. İndi isə o, ölkədə polis, miqrasiya və təhlükəsizlik xidmətlərinə cavabdeh birinci şəxsdir.

Adolf Hitler Uunona — Namibiyada fəaliyyət göstərən yerli siyasətçidir. O, 3 dekabr 1965-ci ildə o vaxt “South West Africa” adlanan bölgədə dünyaya gəlib. Uunona uzun illərdir Namibiyanın şimalında yerləşən Ompundja dairəsində ictimai-siyasi fəaliyyət göstərir və 2004-cü ildən bəri həmin dairənin məclis üzvüdür. O, ölkənin ən böyük siyasi partiyalarından biri olan SWAPO-nun nümayəndəsidir. Uunona 2010, 2015 və 2020-ci illərdə keçirilən seçkilərdə dəfələrlə qalib gələrək vəzifəsini davam etdirib. Xüsusilə 2020-ci il seçkilərində o, səsvermənin təxminən 85 faizini qazanaraq beynəlxalq medianın diqqətini cəlb edib. Səbəb isə onun adının “Adolf Hitler” olmasıdır.

XX əsrin pop mədəniyyətinə və döyüş sənətlərinə ən böyük təsir göstərmiş şəxsiyyətlərdən biri — Bruce Lee (Brüs Li) bu gün də dünya üzrə milyonlarla insan üçün ilham mənbəyidir. O, aktyor, rejissor, filosof və döyüş sənəti müəllimi kimi qlobal miqyasda tanındı və döyüş filmlərinin mahiyyətini kökündən dəyişdi.

29 yanvar 2024–cü ildə Fələstin Qırmızı Aypara Cəmiyyəti 14 yaşlı Liyan Həmadə tərəfindən edilən telefon zəngi aldı – o, kömək istəyirdi. O, “Təll əl-Həva" bölgəsində "Maliyyə dairəsi" yaxınlığında İsrail tankının onların maşınına atəş açdığını bildirdi. Zəng zamanı Liyanın çığırtıları və intensiv güllə səsləri eşidildi, daha sonra əlaqə qəfil kəsildi.