Livan mətbuatında Türkiyə və Livan prezidentlərinin görüşündə Hizbullahın ağır silahlarının İrana təhvil verilməsi ilə bağlı yeni formulun müzakirə edildiyi iddia olunub. Yerli KİV-in məlumatına görə, təklifə əsasən silahların Ankara və Tehran nəzarəti altında İrana verilməsi, bunun İsrail qüvvələrinin Livanın cənubundan tam çıxarılması ilə eyni vaxtda həyata keçirilməsi və ABŞ ilə digər tərəflərin yeni hücum olmayacağına zəmanət verməsi nəzərdə tutulur.
Türkiyə
Türkiyə enerji sahəsində tam müstəqillik hədəfi çərçivəsində üç qitədə fəaliyyətini genişləndirir. Enerji və Təbii Sərvətlər naziri Alparslan Bayraktar bildirib ki, Ankara İraqın Kərkük bölgəsindən Somaliyə, Liviyadan Omana, Azərbaycandan Macarıstana qədər quru və dənizdə müxtəlif enerji layihələri və tərəfdaşlıqlar həyata keçirir.
Türkiyə, Səudiyyə Ərəbistanı və Pakistan arasında avqustun 7-də Məkkədə imzalanan “Məkkə Birgə Müdafiə Sazişi” regionun təhlükəsizlik arxitekturasında yeni mərhələnin başlanğıcı kimi qiymətləndirilir. Saziş tərəflərdən birinə qarşı silahlı hücumun bütün tərəflərə qarşı hücum hesab edilməsini nəzərdə tutan kollektiv müdafiə mexanizmi ilə üç ölkənin hərbi və strateji imkanlarını bir araya gətirir.
Almaniya Federal Məclisinin sədr müavini və Sol Partiyanın nümayəndəsi Bodo Ramelov “Terrorsuz Türkiyə” prosesi ilə əlaqədar Almaniyada PKK ilə əlaqəli şəxslər üçün genişmiqyaslı amnistiyanın tətbiq edilməsinə çağırıb. Ramelov Almaniya hökumətinin Türkiyədə aparılan prosesi diplomatik baxımdan dəstəkləməli və oxşar hüquqi mexanizmi Almaniyada da həyata keçirməli olduğunu bildirib.
Türkiyədə sahil və çimərliklərin idarə olunması ilə bağlı yeni qaydalar qüvvəyə minib. Rəsmi Qəzetdə dərc olunan dəyişikliklə sahil ərazilərinin təmiri, təhlükəsizliyi və təmizliyi ilə bağlı işlərin həyata keçirilməsində Ətraf Mühit, Şəhərsalma və İqlim Dəyişikliyi Nazirliyinin aidiyyəti qurumlarına da səlahiyyət verilib.
Pakistanın müdafiə naziri Xavaca Məhəmməd Asif müsəlman ölkələrini İsrailə qarşı birləşməyə çağırıb. Nazir Pakistan, Səudiyyə Ərəbistanı və Türkiyə arasında imzalanan yeni müdafiə sazişinin İslam dünyasının daha geniş əməkdaşlıq mexanizminin əsasını təşkil edə biləcəyini bildirib.
Türkiyənin Daxili İşlər Nazirliyi yanında Miqrasiya İdarəsi insan alverinin qurbanları ilə bağlı 2026-cı il iyulun 30-na olan aktual statistik məlumatları açıqlayıb. Məlumata əsasən, 2026-cı ilin ilk 7 ayında Türkiyədə 162 nəfər insan alveri qurbanı kimi müəyyən edilib. Açıqlanan statistika 2005-ci ildən etibarən insan alveri qurbanlarının sayında baş verən dəyişiklikləri əks etdirir. Göstəricilər son illərdə insan alveri ilə bağlı aşkarlanan halların sayında dalğalanmaların olduğunu göstərir.
Türkiyə, Səudiyyə Ərəbistanı və Pakistan arasında imzalanan Məkkə Birgə Müdafiə Sazişi NATO və digər mövcud ittifaqlara alternativ yaradılması məqsədi daşımır. Türkiyənin vitse-prezidenti Cevdet Yılmaz CNN Türk telekanalına açıqlamasında bildirib ki, saziş hər hansı ölkəyə və ya bloka qarşı yönəlməyib və əsas məqsəd regional təhlükəsizliyi gücləndirməkdir.
Türkiyədə “Terrorsuz Türkiyə” prosesinin hüquqi əsasını formalaşdıracaq “Milli Həmrəyliyin və İctimai Bütünləşmənin Gücləndirilməsinə dair Qanun Təklifi” Türkiyə Böyük Millət Məclisinin (TBMM) Ədliyyə Komissiyasında qəbul edilib. 12 maddədən ibarət qanun təklifi PKK/KCK terror təşkilatının fəaliyyətinə son qoyması və nəzarətində olan silah-sursatı təhvil verməsinin təhlükəsizlik qurumları tərəfindən təsdiqlənməsindən sonra proses çərçivəsində həyata keçiriləcək hüquqi tədbirləri müəyyənləşdirir.
Türkiyənin Daxili İşlər Nazirliyi yanında Miqrasiya İdarəsi 2026-cı il iyulun 30-na olan qeyri-qanuni miqrasiya və miqrant qaçaqmalçılığı ilə bağlı aktual statistik məlumatları açıqlayıb. Məlumata görə, 2026-cı ilin ilk 7 ayında Türkiyədə 82 min 701 qeyri-qanuni miqrant saxlanılıb. Qurumun məlumatında qeyd olunub ki, təkrar qeydiyyatlar çıxıldıqdan sonra real göstərici 74 min 513 nəfər təşkil edib.
Türkiyə, Səudiyyə Ərəbistanı və Pakistan arasında imzalanan “Məkkə Birgə Müdafiə Sazişi”nin NATO-nun 5-ci maddəsi ilə ziddiyyət təşkil etdiyi və alternativ hərbi ittifaq formalaşdırdığı barədə iddialar təkzib edilib. Türkiyə Prezident Administrasiyasının Kommunikasiya İdarəsinin Dezinformasiya ilə Mübarizə Mərkəzi (DMM) sosial media platformalarında yayılan iddiaların həqiqəti əks etdirmədiyini açıqlayıb.
Türkiyə Prezidenti Rəcəb Tayyib Ərdoğan Səudiyyə Ərəbistanı və Pakistanla imzalanan müdafiə sazişinin heç bir ölkəyə qarşı yönəlmədiyini bildirib. Onun sözlərinə görə, kollektiv çəkindirmə prinsipinə əsaslanan razılaşma təhlükəsizlik və müdafiə əməkdaşlığını, birgə müdafiə sənayesi layihələrini və terrorizmlə mübarizəni gücləndirəcək. Ərdoğan sazişin regionda sülh və sabitliyə töhfə verməyi hədəflədiyini vurğulayıb.