BAKI,VOA

Bəzi sosial media hesablarında yayılan “Tramp Türkiyəyə İrana hücum əmri verdi”, “Türkiyə İrana qarşı gizli hərbi planın tərkib hissəsidir” və “Türkiyə İrana qarşı müharibəyə qatılmaq üçün CAATSA sanksiyalarının ləğvini tələb etdi” kimi iddiaların tamamilə yalan olduğu açıqlanıb.

Rəsmi mənbələrdən verilən məlumata görə, Türkiyənin xarici siyasəti və təhlükəsizlik qərarları ilə bağlı yayılan bu növ məlumatlar heç bir fakta əsaslanmır.

Məlumatda qedy edilir ki, Türkiyə müstəqil və suveren bir dövlət olaraq xarici siyasətini və təhlükəsizlik qərarlarını yalnız və yalnız özü müəyyənləşdirir və tətbiq edir və bunun əksi olan bütün iddialar əsassızdır.

“Türkiyənin İrana qarşı müharibəyə girməsi və bu məqsədlə CAATSA sanksiyalarının ləğvi daxil olmaqla hər hansı bir şərt irəli sürməsi qətiyyən söz mövzusu deyil”-deyə məlumatda qeyd edilir.

Məlumatda vurğulanır ki, bu cür paylaşımlar ictimai rəyi manipulyasiya etmək məqsədi daşıyır.

“Vətəndaşlardan və beynəlxalq ictimaiyyətdən bu növ dezinformasiya xarakterli məzmunlara etibar etməmələri xahiş olunur”-deyə məlumatda qeyd edilir.