BAKI,AzerVoice,Fərid Mikayılov

Türkiyə Prezidenti Rəcəb Tayyib Ərdoğan, Birləşmiş Ştatlardakı səfəri çərçivəsində Türk-Amerikan Milli İdarəetmə Komitəsi (TASC) tərəfindən təşkil olunan tədbirdə çıxış edib.

AzerVoice xəbər verir ki, o həm Türk-Amerikan icmasına müraciət edib, həm də terrorla mübarizə, FETÖ və bölgədəki proseslər barədə mesajlar verib.

Ərdoğan çıxışında FETÖ terror təşkilatına da diqqət çəkərək, başçısının ölümündən sonra qurum daxilində parçalanmanın daha da sürətləndiyini bildirib.

“Ortaya çıxan qalmaqallar bu xain şəbəkənin əsl simasını bir daha üzə çıxardı. Zaman keçdikcə bu təşkilat gücünü daha da itirəcək. Biz də hüquq və demokratiya müstəvisində FETÖ ilə mübarizəmizi eyni qətiyyətlə davam etdirəcəyik”- deyə o bildirib.

Ərdoğan Türkiyənin illərdir terrorla mübarizə apardığını vurğulayıb:

“Minlərlə canımıza, yüz milyardlarla dollar sərvətimizə başa gələn, sülh və qardaşlığımızı hədəfə alan terrorla mübarizə ən əsas prioritetlərimizdəndir. Nə ölkə daxilində, nə də bölgəmizdə terrora dözümlülüyümüz yoxdur. Bu hədəfimiz mərhələ-mərhələ reallaşır”- deyə Ərdoğan vurğulayıb.