BAKI, AzerVoice, Nailə Babazadə
Türkiyənin Alanya şəhərində meşəlik ərazidə səbəbi hələ məlum olmayan yanğın başlayıb. Küləyin təsiri ilə qısa müddətdə yayılan alovlar başqa məhəllələrinə çatıb.
AzerVoice xəbər verir ki, hadisə ilə bağlı edilən məlumatdan sonra əraziyə Alanya Meşə Təsərrüfatı İdarəsinə bağlı çoxsaylı su maşını (arazöz), ilkin yardım vasitələri və personal, həmçinin yanğınsöndürmə, təcili yardım, jandarma, AFAD və İHH qrupları cəlb olunub.
Yanğın səbəbilə Şıhlar məhəlləsindəki evlər boşaldılıb. Məhəllədə yaşayan 7 nəfər yanğınsöndürənlər tərəfindən təhlükəli zonadan uzaqlaşdırılıb.
Tüstüdən zəhərlənən bir məhəllə sakini təcili yardım maşını ilə xəstəxanaya aparılıb.
Alanya Bələdiyyə sədrinin müavini Murat Levent Koçak yanğın bölgəsində jurnalistlərə verdiyi açıqlamada alovların küləyin təsiri ilə gücləndiyini və yanğının yayıldığı nöqtədə bir məhəllənin yerləşdiyini bildirib.
Koçak, yanğına müdaxilənin davam etdiyini qeyd edib.