Türkiyənin Alanya şəhərində meşəlik ərazidə səbəbi hələ məlum olmayan yanğın başlayıb. Küləyin təsiri ilə qısa müddətdə yayılan alovlar başqa məhəllələrinə çatıb. Hadisə ilə bağlı edilən məlumatdan sonra əraziyə Alanya Meşə Təsərrüfatı İdarəsinə bağlı çoxsaylı su maşını (arazöz), ilkin yardım vasitələri və personal, həmçinin yanğınsöndürmə, təcili yardım, jandarma, AFAD və İHH qrupları cəlb olunub. Yanğın səbəbilə Şıhlar məhəlləsindəki evlər boşaldılıb. Məhəllədə yaşayan 7 nəfər yanğınsöndürənlər tərəfindən təhlükəli zonadan uzaqlaşdırılıb.

Türkiyənin Bursa vilayətinin Nilüfər rayonunda baş verən meşə yanğını nəzarət altına alınıb. Günorta saatlarında başlayan və qısa müddətdə genişlənən yanğına Bursa Meşə Regional İdarəsinə məxsus yanğınsöndürmə maşınları, xüsusi briqadalar və helikopterlər vasitəsilə havadan müdaxilə olunub.

Türkiyənin Çanakkale vilayətinin Gelibolu rayonunda yanğın qeydə alınıb. Yanğına havadan və qurudan müdaxilə edilir. Gelibolu rayonunun Tayfur və Cumalı kəndləri arasında ötən gün yerli vaxtla saat 16:28-də başlayan və küləyin təsiri ilə Eceabat rayonundakı meşəlik sahələrə yayılan yanğına qarşı mübarizə davam edir.

Türkiyənin bir neçə vilayətində baş verən meşə yanğınları nəzarət altına alınıb. Bu barədə Türkiyənin kənd və meşə təsərrüfatı naziri İbrahim Yumaklı bildirib.

İzmirin Buca rayonunda başlayan meşə yanğına hava və quru qüvvələri tərəfindən müdaxilə davam edir. Yanğınla bağlı aparılan istintaqda 3 şübhəli saxlanılıb. İzmirdə dünən başlayan və gecə boyu quru qüvvələri ilə müdaxilə edilən yanğına, günün ilk işıqları ilə hava vasitəsilə müdaxilə yenidən başlayıb. İzmir Meşə Regional İdarəsinə bağlı hava və quru vasitələri ilə yanğınsöndürən briqadaların yanğına müdaxiləsi davam edir.

Türkiyədə baş vermiş 61 meşə yanğını ilə bağlı 23 şübhəli saxlanılıb, onlardan 4-ü həbs edilib, 19-u barədə məhkəmə nəzarəti qərarı çıxarılıb.