BAKI, AzerVoice, Nərmin Ağayeva
Türkiyədə hər üç sərnişindən ikisi İstanbul və Antalya hava limanlarından istifadə edib.
AzerVoice xəbər verir ki, ilin ilk yeddi ayında İstanbul, İstanbul Sabiha Gökçen və Antalya hava limanlarında sərnişin dövriyyəsi 93,6 milyon nəfəri ötüb.
Dövlət Hava Limanları İdarəsinin (DHMİ) məlumatına görə, yanvar-iyul aylarında Türkiyə hava limanlarına gələn və gedən sərnişinlərin ümumi sayı 134,9 milyon olub və ötən ilin müvafiq dövrü ilə müqayisədə 3,6 faiz artıb.
İstanbul Hava Limanı bu dövrdə 46,95 milyon sərnişinə xidmət göstərərək ölkənin ən sıx hava limanı olub. Sabiha Gökçen Hava Limanı 26,5 milyon sərnişini qəbul edib, Antalya Hava Limanı isə ümumi 20,18 milyon sərnişinlə ilin üçüncü ən işlək limanı kimi diqqət çəkib.
Bu nəticələr göstərir ki, Türkiyəyə gələn və gedən hər üç sərnişindən ikisi bu üç hava limanından istifadə edib.