Bakı, AzerVoice

2024-ci ilin iyunuda Afrikadan Türkiyəyə 117 min 944 turist səfər edib ki, bu da 2023-cu ilin iyunu ilə müqayisədə 2,62 faiz çoxdur.

Bu barədə AzerVoice-a Türkiyə Mədəniyyət və Turizm Nazirliyindən bildiriblər.

Hesabat dövründə Türkiyəyə səfər etmiş əcnəbilər arasında Afrikadan gələnlərin payı 0,21 faiz təşkil edib.

2024-ci ilin yanvar-iyun aylarında Afrikadan Türkiyəyə 639 min 35 turist səfər edib ki, bu da ötən ilin müvafiq dövrü ilə müqayisədə 7,27 faiz çoxdur.

Afrikadan Türkiyəyə səfər edənlər arasında ölkələr üzrə isə müvafiq olaraq Əlcəzair, Mərakeş, Cənubi Afrika Respublikası, Liviya, Misir, Sudan və Tunis ilk sırlarda gəlir.

2024-ci ilin yanvar-iyun aylarında Türkiyəyə səfər etmiş əcnəbilər arasında Afrikadan gələnlərin payı isə 2,95 faiz təşkil edib.

Nazirliyin məlumatında qeyd edilir ki, 2024-ci ilin iyununda Türkiyəyə 6 milyon 833 min 835 turist səfər edib ki, bu da ötən ilin iyunu ilə müqayisədə 9,13 faiz çoxdur.

2024-ci ilin yanvar-iyun aylarında 26 milyon 136 min 764 turist səfər edib ki, bu da ötən ilin eyni dövrü ilə müqayisədə 13,91 faiz çoxdur.