BAKI,AzerVoice

Türkiyənin Ticarət Naziri Ömər Bolat, ixracatçıların maliyyə imkanlarını genişləndirmək üçün yeni zəmanət dəstəyi paketinin hazırlandığını açıqlayıb.

AzerVoice xəbər verir ki, bu barədə Nazir Bolat X sosial media hesabında paylaşım edib.

Ticarət Nazirliyi, İxracatı İnkişafetdirmə A.Ş. (İGE) və Xəzinə və Maliyyə Nazirliyinin dəstəyi ilə yeni zəmanət paketləri təqdim etməyə hazırlaşır.

Tezliklə tamamlanacaq bu yeni dəstək paketi çərçivəsində ixracatçılar Türk lirəsi və xarici valyutada kreditlər üçün zəmanət dəstəyi ala biləcəklər.

Ümumilikdə 36 milyard lirəlik kredit həcminə zəmanət veriləcək və bu dəstək paketi ixracatçıların dövriyyə kapitalı ehtiyaclarını qarşılamaqla yanaşı, Sənaye və Texnologiya Nazirliyi çərçivəsində KOSGEB ilə əməkdaşlıq edərək rəqəmsal transformasiya layihələrinə də dəstək verəcək.

Nazir Bolat vurğulayıb ki, İGE qurulduğu gündən bu yana ixracatçılara 100 milyard lirədən çox kredit zəmanəti təqdim edib.

O, xüsusilə Xəzinə və Maliyyə Nazirliyi başda olmaqla, ixracat hədəfləri istiqamətində koordinasiyalı şəkildə çalışan bütün qurumlara təşəkkür edib.