Bakı, AzerVoice

Prezident Rəcəb Tayyib Ərdoğan Asiya səfərinin ikinci mərhələsində İndoneziyaya səfər edib.

AzerVoice xəbər verir ki, Ərdoğan və həyat yoldaşı Əminə Ərdoğan, İndoneziyanın paytaxtı Cakartadakı Halim Perdanakusuma Hərbi Hava Limanında İndoneziya Prezidenti Prabowo Subianto, Türkiyənin Cakartadakı səfiri Talip Küçükcan və digər rəsmi şəxslər tərəfindən qarşılanıb.

Prezident Ərdoğanın səfərinə Türkiyənin Xarici İşlər Naziri Hakan Fidan, Enerji və Təbii Sərvətlər Naziri Alparslan Bayraktar, Milli Müdafiə Naziri Yaşar Gülər, Sənaye və Texnologiya Naziri Mehmet Fatih Kaçır, Kənd Təsərrüfatı və Meşə Naziri İbrahim Yumaklı, Ticarət Naziri Ömər Bolat, Türk Dövlətləri Müdafiə Şurasının sədri Haluk Görgün, Prezident Administrasiyasının Kommunikasiyalar üzrə Direktoru Fahrettin Altun, Prezidentin Şəxsi Katibi Həsən Doğan və Prezidentin Xarici Siyasət və Təhlükəsizlik üzrə Baş Müşaviri Akif Çağatay Kılıç da daxil olmaqla geniş nümayəndə heyəti müşayiət edib.

Ərdoğan və həyat yoldaşı, qalacaqları otelə gəldikdən sonra əllərində Türkiyə və İndoneziya bayraqları ilə onları qarşılayan indoneziyalı uşaqlarla xatirə şəkilləri çəkdirib və qısa söhbət ediblər.

Sabah Bogor Prezident Sarayında İndoneziya Prezidenti Prabowo Subianto ilə təkbətək görüş keçiriləcək. Bundan əlavə, Yüksək Səviyyəli Əməkdaşlıq Şurasının Birinci Toplantısı, müqavilələrin imzalanma mərasimi və birgə mətbuat konfransı keçiriləcək.

Ərdoğanın İndoneziya Prezidenti Subiantonun şərəfinə veriləcək rəsmi şam yeməyinə və Türkiyə-İndoneziya Biznes Forumuna qatılması planlaşdırılır.