Bakı. AzerVoice
Türk Aerokosmik Sənayesinin (TUSAŞ) Kahramankazan bölgəsində yerləşən müəssisəsinə qarşı baş verən terror hücumunun ardından məhkəmə tərəfindən yayım qadağası qoyulub.
AzerVoice xəbər verir ki, Radyo ve Televizyon Üst Kurulu (RTÜK) sədri Ebubekir Şahin sosial media hesabından etdiyi paylaşımda rəsmi qurumlar tərəfindən təsdiqlənməmiş məlumat və görüntülərin yayımlandığı bildirib.
Şahin terroru təbliğ edənlərə, həmçinin yayım qadağasını pozanlara qarşı ən ağır cəzaların tətbiq ediləcəyini bildirib.
Qeyd edək ki, bu gün Türkiyənin paytaxtı Ankarada TUSAŞ terror aktı törədilib.
Partlayış sonrası bölgədə silah səsləri eşidilib.
Hadisəni törədən üç terrorçudan ikisi zərərsizləşdirilib.