İstanbul Böyükşəhər Bələdiyyəsinə (İBB) qarşı aparılan “Korrupsiya” istintaqı çərçivəsində, Ekrem İmamoğlu və mənfəət məqsədli cinayət təşkili ilə bağlı hazırlanmış iddianamə İstanbul 40. Ağır Cinayət Məhkəməsi tərəfindən qəbul edilib.
Türk Dövlətləri
Türkiyə Prezidenti Rəcəb Tayyib Ərdoğan Cənubi Koreya Prezidenti Li Cae Myonqla görüşdən sonra keçirilən birgə mətbuat konfransında iki ölkə arasında strateji əməkdaşlığın genişləndirilməsi istiqamətində müzakirələrin aparıldığını bildirib.
Türkiyə Böyük Millət Məclisinin (TBMM) Milli Dayanışma, Qardaşlıq və Demokratiya Komissiyasının üzvlərindən ibarət heyət İmralı Yüksək Təhlükəsizlikli Cəza-İcra Müəssisəsinə səfər edib.
Roma Papası XIV Leon cümə axşamı Türkiyə və Livana səfər edəcək. Səfərin məqsədi xristianlar arasında birliyin təşviqi və Yaxın Şərqdə gərginliklərin artdığı bir vaxtda sülh çağırışlarının gücləndirilməsidir.
Türkiyə Enerji və Təbii Sərvətlər Naziri Alparslan Bayraktar Dünya Bankı Avropa və Orta Asiya üzrə vitse-prezidenti Antonella Bassani ilə aparılan görüşdə ilkin mərhələdə 6 milyard dollarlıq maliyyə paketi üzərində işlərə start verilməsi barədə razılıq əldə olunduğunu açıqlayıb. Nazir sosial media paylaşımında bildirib ki, maliyyə vəsaiti yüksək voltajlı elektrik ötürmə yatırımlarında istifadə olunacaq və Türkiyənin 2035-ci il üçün müəyyən etdiyi 120 min meqavatlıq günəş və külək enerjisi hədəfinə töhfə verəcək.
Azərbaycan Respublikası Hesablama Palatasının sədri Vüqar Gülməmmədovun rəhbərlik etdiyi nümayəndə heyəti Türk Dövlətlərinin Ali Audit Qurumları Birliyinin (TÜRKSAI) yaradılması ilə bağlı keçirilmiş toplantıda iştirak etmək məqsədilə İstanbul şəhərinə səfər edib. Toplantının açılışında çıxış edən Türkiyə Hesablama Məhkəməsinin Prezidenti Metin Yenər türk dünyasının artan siyasi və iqtisadi nüfuzunun ali audit orqanlarının məsuliyyətini daha da artırdığını, eləcə də ortaq auditlərin əhəmiyyətini vurğulayıb. Metin Yenər ortaq keçmişə, köklərə və dəyərlərə malik ölkələrin audit orqanları arasında əməkdaşlığın yeni yaradılan Birlik çərçivəsində daha da güclənəcəyinə inamını bildirib.
11 noyabrda Azərbaycan-Gürcüstan sərhədində qəzaya uğrayan C-130 hərbi yük təyyarəsi ilə bağlı araşdırmalar davam edir. Türkiyə Milli Müdafiə Nazirliyi (MSB) açıqlayıb ki, hadisə yerində aparılan qəzaya/bərpa işləri yekunlaşıb və komanda artıq Türkiyəyə qayıdıb. Bildirilib ki, hadisə yerindəki təyyarə qalıqları Kayseridəki 2-ci Əsas Baxım Fabrika İdarəsinə göndərilməkdədir və təhlil prosesinə başlanacaq.
Türkiyə terroru olmayan hədəfə çatana qədər səbr, səmimiyyət, cəsarət və qətiyyətlə hərəkət etməyə davam edəcək. Prezident Rəcəb Tayyib Ərdoğan G20 Liderlər Zirvəsinə qatılmaq üçün səfər etdiyi Cənubi Afrika Respublikasından qayıdarkən jurnalistlərin suallarını cavablandırıb. O, həmçinin G20 Zirvəsinin ilk dəfə Afrika qitəsində keçirilməsindən məmnunluğunu ifadə edib və zirvənin bütün insanlıq üçün xeyirli olmasını arzulayıb.
Türkiyənin əhalisi 1 oktyabr tarixinə olan məlumata görə 85 milyon 980 min 654 nəfər olub. Türkiyə Statistika Qurumunun (TÜİK) açıqlamasına görə, ölkənin əhalisi illik və üç aylıq dövrlər üzrə izlənilir. 2024-cü ilin sonunda əhali 85 milyon 664 min 944 nəfər olub və ilin ilk 9 ayında 315 min 710 nəfərlik artım qeydə alınıb. 1 iyul-1 oktyabr dövründə isə əhali 155 min 800 nəfər artaraq ümumi sayını 85 milyon 980 min 654 nəfərə çatdırıb.
Ankarada diplomatik təmaslarını davam etdirəcək Türkiyə Prezidenti Rəcəb Tayyib Ərdoğan bu gün Rusiya Prezidenti Vladimir Putinlə telefon danışığı aparacaq. Görüş zamanı Rusiyanın Ukraynaya qarşı müharibəsinin dayandırılması istiqamətində atıla biləcək addımların və regional sabitliyin təmin olunmasına dair məsələlərin müzakirə ediləcəyi gözlənilir. Bundan əlavə, Qara dəniz taxıl dəhlizinin yenidən işə salınması ilə bağlı prosesin bərpası da danışıqların əsas mövzularından biri olacaq.
Türkiyə Prezidenti Rəcəb Tayyib Ərdoğan bu gün Beştepedə Koreya Respublikasının Prezidenti Li Çzyo Myungu rəsmi mərasimlə qarşılayacaq. Qarşılanma mərasimindən sonra iki lider arasında təkbətək və nümayəndə heyətləri arasında görüşlərin keçirilməsi gözlənilir. Ziyarət çərçivəsində Türkiyə və Koreya Respublikası arasında strateji tərəfdaşlığın gələcək istiqamətləri müzakirə olunacaq. Danışıqların əsas gündəmini ikitərəfli siyasi münasibətlər, müdafiə sənayesi sahəsində yeni layihələr, nəqliyyat və infrastruktur əməkdaşlığı, həmçinin yüksək texnologiya və innovasiya sahələrində qarşılıqlı investisiya imkanları təşkil edəcək.
Türkiyə Prezidenti Rəcəb Tayyib Ərdoğan bazar ertəsi, noyabrın 24-də Rusiya Prezidenti Vladimir Putinlə telefon danışığı planlaşdırıldığını açıqlayıb. Yohannesburqda keçirilən G20 sammitindən sonra keçirilən mətbuat konfransında çıxış edən Türkiyə lideri Ukrayna Prezidenti Volodimir Zelenskinin bu yaxınlarda Ankaraya səfər etdiyini xatırladıb.