Bakı, AzerVoice:
Prezident Şavkat Mirziyoyevin Çinə dövlət səfəri çərçivəsində Özbəkistan Respublikasının birinci xanımı Ziroat Mirziyoyeva Çin Xalq Respublikasının birinci xanımı Pen Liyuan ilə görüş keçirib.
AzerVoice-nin məlumatına görə, görüş zamanı Ziroat Mirziyoyeva Özbəkistan və Çin arasında münasibətlərin köklərinin çox uzaq keçmişə getdiyini, xalqlarımızın zəngin tarixi və mədəniyyətinin dostluq, qarşılıqlı etimad və hörmət ruhunda sürətlə inkişaf edən əlaqələrimiz üçün mühüm zəmin olduğunu qeyd edib.
Pen Liyuan Özbəkistan Respublikasının birinci xanımı Ziroat Mirziyoyeva ilə qurulan sıx dostluq əlaqələrinə görə minnətdarlığını bildirib, ölkələr arasında əməkdaşlığın getdikcə artmasından məmnunluğunu ifadə edib.
