İstanbulun Ümraniyə və Tuzla rayonları, həmçinin Kocaelinin Gebze bölgəsində həyata keçirilən əməliyyatlar zamanı 3 milyon 40 min 771 ədəd narkotik həblə 52,5 kiloqram qatqı maddəsi ələ keçirilib. Əməliyyatlar Türkiyə Daxili İşlər Nazirliyi Narkotik Cinayətlərlə Mübarizə Baş İdarəsinin koordinatorluğu və İstanbul Narkotik Cinayətlərlə Mübarizə Şöbəsinin iştirakı ilə aparılıb.

Cayşankar Moskvada Rusiyanın xarici işlər naziri Sergey Lavrovla görüşündən sonra keçirilən birgə mətbuat konfransında jurnalistlərin suallarını cavablandırıb ABŞ-ın Rusiyadan neft idxalı üçün Hindistana tətbiq etdiyi tarifləri və onun aldığı tənqidləri şərh edən Cayşankar, “Biz, amerikalıların son bir neçə ildə Rusiyadan neft almaq da daxil olmaqla, qlobal enerji bazarlarını sabitləşdirmək üçün mümkün olan hər şeyi etməliyik dedikləri bir ölkəyik” deyə o bildirib. Hindistanın Rusiya neftinin və mayeləşdirilmiş təbii qazının (LNG) ən böyük idxalçısı olmadığını vurğulayan Jaishankar, bu mövzuda Çin və Avropanın daha çox önə çıxdığına işarə edib.

Araşdırmalar zamanı müəyyən edilib ki, saxlanılan şəxslər qanunsuz mərc və qumar oyunları təşkil edərək bu fəaliyyətlərə dair internet saytlarında pul köçürmələrinə vasitəçilik edib, həmin saytların reklamını aparıblar. İstintaq materiallarına əsasən, bəzi şəxslərin vətəndaşların mobil bank xidmətlərinə müdaxilə edərək qanunsuz qazanc əldə etdiyi müəyyən olunub. Əməliyyat nəticəsində çoxlu sayda rəqəmsal material da ələ keçirilib.

Türkiyə, prezident Bəşşar Əsədin devrilməsindən sonra Şamda səfirliyini yenidən açan ilk ölkə oldu. 15 dekabrda səfirliyin fəaliyyətə başlamasının ardından qarşılıqlı diplomatik səfərlər və danışıqlar intensivləşib. Hazırda Ankara, Suriya Dövlət Başçısı Əhməd əş-Şəraanın ən böyük tərəfdarları arasında göstərilir.

Türkiyə Daxili İşlər naziri Ali Yerlikaya, 21 şəhərdə qanunsuz mərc fəaliyyətlərinə qarşı aparılan əməliyyatlarda 43 şübhəlinin yaxalandığını açıqlayıb. İlkin araşdırmalara əsasən, saxlanılan şəxslərin internet saytları vasitəsilə qanunsuz mərc oyunları təşkil etdiyi, qeyri-qanuni pul köçürmələrinə vasitəçilik etdiyi məlum olub.

İstanbulun Esenyurt rayonunda polis əməkdaşlarının həyata keçirdiyi genişmiqyaslı əməliyyat zamanı 207 kiloqram metamfetamin və 98 kiloqram kimyəvi maddə ələ keçirilib.

Türkiyənin Balıkesir vilayətində 4,2 bal gücündə zəlzələ baş verib. Məlumata əsasən, zəlzələ yerli vaxtla saat 11:26-də (Bakı vaxtı ilə 12:26) baş verib. Yeraltı təkanların ocağı daha əvvəl baş verən 6 bal gücündə zəlzələnin qeydə alındığı Sındırqı rayonunda yerləşib, dərinliyi isə 6,72 kilometr olub. Qeyd edək ki, Türkiyədə Balıkesirdə baş verən 6,1 bal gücündə zəlzələ bölgədə ciddi narahatlığa səbəb olub. Zəlzələ nəticəsində 1 nəfər həyatını itirib, 29 nəfər yaralanıb, İndiyədək 10-u 4 baldan yuxarı olmaqla 786 artçı zəlzələ baş verib. AFAD-ın məlumatına görə, əsas zəlzələ 11 avqust saat 19:53-də (Bakı vaxtı ilə saat 20:53-də) qeydə alınıb, 11 km dərinlikdə baş verib. İlk ardıcıl sarsıntı isə cəmi 4 dəqiqə sonra – saat 19:57-də (3,7 bal gücündə) qeydə alınıb.

Daxili işlər naziri Ali Yerlikaya əməliyyatların Aydın, Hakkari, Ankara, Balıkəsir və Mersin vilayətlərində keçirildiyini açıqlayıb. Onun sözlərinə görə, saxlanılan şəxslərdən 26-sı barəsində həbs qərarı çıxarılıb, 9 nəfərə məhkəmə nəzarəti tədbiri tətbiq edilib, digər şəxslərlə bağlı istintaq davam etdirilir. Maliyyə Cinayətləri İstintaq İdarəsinin (MASAK) məlumatına görə, həbs edilən şübhəlilərin bank hesablarında ümumilikdə 1,2 milyard türk lirəsi həcmində pul dövriyyəsi aşkarlanıb və həmin hesablara qarşı ehtiyat tədbirləri görülüb.

Türkiyədə qırmızı bülletenlə axtarılan 6 nəfər və milli səviyyədə axtarılan 4 nəfər xaricdə saxlanılaraq ölkəyə gətirilib. Bu barədə Türkiyənin daxili işlər naziri Ali Yerlikaya məlumat verib. Onun sözlərinə görə, Bolqarıstan, Polşa, Gürcüstan, Almaniya, Şimali Kipr Türk Respublikası və Livanda aparılan əməliyyatlar nəticəsində axtarışda olan şəxslər saxlanılıb və Türkiyəyə təhvil verilib.

Ötən il dekabrın 8-də Suriyada Bəşşar Əsəd rejiminin devrilməsindən sonra Türkiyədən ümumilikdə 411 min 649 suriyalı öz vətəninə qayıdıb. 2016-cı ildən bu günə qədər Türkiyədən Suriyaya könüllü şəkildə qayıdanların ümumi sayı 1 milyon 151 min 652 nəfərə çatıb. Hazırda isə Türkiyədə müvəqqəti qoruma statusu ilə yaşayan suriyalıların sayı 2 milyon 543 min 711 nəfərdir.

Türkiyənin daxili işlər naziri Ali Yerlikaya son 10 gündə ölkənin 29 şəhərində FETÖ terror təşkilatına qarşı aparılan əməliyyatlar zamanı 49 şübhəlinin saxlanıldığını, onlardan 39 nəfərinin həbs edildiyini açıqlayıb. Nazir Yerlikaya bu barədə sosial media hesabında məlumat verib. Onun sözlərinə görə, İstanbul, İzmir və Ankara da daxil olmaqla bir çox şəhərdə jandarma qüvvələri tərəfindən koordinasiyalı əməliyyatlar həyata keçirilib. Saxlanılan şəxslər sosial media üzərindən FETÖ təbliğatı aparmaq, təşkilatın hazırkı strukturlarında fəal iştirak etmək, ankesorlu telefonlarla əlaqə yaratmaq və terror təşkilatı ilə əlaqəli saxta yardım qurumlarına maliyyə dəstəyi vermək kimi ittihamlarla axtarılırdı.

Türkiyənin daxili işlər naziri Ali Yerlikaya Gürcüstan polisi ilə birgə keçirilən əməliyyat nəticəsində qırmızı bülletenlə beynəlxalq axtarışda olan 12 nəfərin və milli axtarışda olan 2 şəxsin tutulduğunu bildirib. Saxlanılanlar arasında adam öldürməyə cəhd, ağır quldurluq, fırıldaqçılıq, narkotik maddə dövriyyəsi, silah-sursat saxlama və uşaqlara qarşı cinsi istismar kimi ağır cinayətlərdə ittiham olunan şəxslər var. Yerlikaya qeyd edib ki, saxlanılanlar barəsində ekstradisiya prosedurlarına başlanılıb.