ABŞ Dövlət katibi Marko Rubio Hörmüz boğazında mümkün təhlükəsizlik böhranı ilə bağlı “Plan B” hazırlanmasının vacibliyini vurğulayıb. O bildirib ki, Vaşinqton və müttəfiqləri müxtəlif ssenarilərə hazır olmalı, eyni zamanda boğazın açıq qalması üçün diplomatik həll yollarına üstünlük verməlidirlər. Rubio əlavə edib ki, danışıqlarda müəyyən irəliləyiş müşahidə olunsa da, tərəflər arasında hələ də ciddi fikir ayrılıqları qalır.

ABŞ dövlət katibi Marko Rubio bildirib ki, İranla aparılan müzakirələrdə müəyyən irəliləyişlər olsa da, Hörmüz Boğazı vasitəsilə keçidlərdən ödəniş alınmasına əsaslanan sistem beynəlxalq hüquq baxımından qəbul edilə bilməz. Rubio İsveçin Helsinqborq şəhərində keçirilən NATO Xarici İşlər Nazirləri Toplantısı girişində jurnalistlərə açıqlamasında deyib ki, ABŞ və müttəfiqləri İranın nüvə silahı əldə etməsinə imkan verməyəcək və uran zənginləşdirilməsi məsələsi müzakirə olunmalıdır.

ABŞ dövlət katibi Mark Rubio bildirib ki, Kuba hökuməti ilə diplomatik yolların nəticə verməsi çətin görünür və adadakı sosialist hökumətinin ABŞ üçün təhlükəsizlik riskləri yaratdığı vurğulanıb. Bu, adanın keçmiş lideri Raul Kastroya qarşı cinayət ittihamlarının açıqlanmasından sonra yaranan yeni təhlükə kimi qiymətləndirilir.

ABŞ dövlət katibi Marko Rubio bildirib ki, Prezident Donald Tramp NATO-nun İran müharibəsinə verdiyi reaksiyadan çox məyusdur. İspaniyanın ABŞ–İsrail əməliyyatları zamanı Amerika ordusuna hərbi bazalardan istifadə etməyə icazə verməməsi NATO daxilində narazılığı artırıb. Rubio qeyd edib ki, bu məhdudiyyət alyansın məqsədini sual altına qoyur və Trampın narazılığı diplomatik gərginliyi daha da dərinləşdirir.

ABŞ dövlət katibi Marko Rubio İranın Hörmüz boğazında tranzit üçün rüsum sistemi tətbiq etməsinin diplomatik danışıqları mümkünsüz edə biləcəyini bildirib. Rubio qeyd edib ki, bu cür mexanizm beynəlxalq qanunlara uyğun deyil və qlobal ticarət üçün təhlükə yaradır. ABŞ hökuməti İranın boğazdan keçən gəmilərə ödəniş tələb etməsini və ya keçidləri seçməsini qəbul etmir və bu addımı beynəlxalq sulara nəzarət cəhdi kimi qiymətləndirir. Rubio əlavə edib ki, rüsum mexanizminin davamı danışıqlar prosesinə ciddi zərər verəcək və razılaşma imkanlarını məhdudlaşdıracaq.

ABŞ Dövlət katibi Marko Rubio bildirib ki, Vaşinqton İran məsələsində Çinin köməyinə ehtiyac duymur və Pekindən bu istiqamətdə yardım istəmir. Rubio, NBC-yə verdiyi müsahibədə, ABŞ və Çin liderlərinin Hörmüz boğazı ilə bağlı ortaq mövqe müəyyənləşdirdiklərini qeyd edib. O, həmçinin İranın nüvə silahı sahəsindəki fəaliyyətinə qarşı olduqlarını və boğazın hərbiləşdirilməsini qəbul etmədiklərini vurğulayıb.

Livan ilə İsrail arasında keçirilən danışıqların üçüncü raundu bu gün Vaşinqton şəhərində başlayır. Danışıqlar regionda artan gərginlik və davam edən qarşıdurmalar fonunda keçirilir. Livan Səhiyyə Nazirliyinin yaydığı məlumata görə, İsrailin son hava hücumları nəticəsində 22 nəfər həyatını itirib. Ölənlər arasında 8 uşağın olduğu bildirilib.

ABŞ dövlət katibi Marko Rubioın prezident təyyarəsində çəkilmiş fotosu sosial şəbəkələrdə geniş müzakirələrə səbəb olub. Ağ Evin kommunikasiya direktoru Stiven Çunq tərəfindən paylaşılmış fotoda Rubionun “Nike Tech” markalı idman geyimi ilə görüntüləndiyi əks olunub. Paylaşımda “Nazir Rubio Venesuela versiyalı Nike Tech geyimi ilə prezident təyyarəsindədir” ifadəsi yer alıb.

ABŞ-ın keçmiş rəsmisi Mark Kimmitt İranın Vaşinqtonun sülh təklifini tam rədd etməməsinin diplomatik imkanlar yaratdığını bildirib. O qeyd edib ki, Tehran nüvə proqramını müzakirə etməkdən imtina edərsə, regionda gərginliyin yenidən artması ehtimalı yüksələcək.

İranın xarici işlər naziri Seyid Abbas Əraqçi ABŞ-ın son hərbi əməliyyatlarını tənqid edərək Vaşinqtonun diplomatik həll əvəzinə hərbi addımlara üstünlük verdiyini bildirib. O, İranın raket potensialının qorunduğunu vurğulayıb və regionda gərginliyin artdığı bir vaxtda ABŞ-ın Tehranın cavabını gözlədiyini qeyd edib.

ABŞ dövlət katibi Marko Rubio Vaşinqtonun İranın müharibənin dayandırılması ilə bağlı təklifə cavabını bu gün alacağını gözlədiyini bildirib. ABŞ dövlət katibi bildirib ki, cavabın məzmunu növbəti mərhələnin müəyyən olunması baxımından mühüm əhəmiyyət daşıyacaq.

ABŞ dövlət katibi Marko Rubio İrana qarşı həyata keçirilən “Epik Qəzəb” adlı hərbi əməliyyatın başa çatdığını bildirib. Bildirilib ki, ABŞ yaxın günlərdə BMT Təhlükəsizlik Şurasına yeni qətnamə layihəsi təqdim edəcək. Layihə Hörmüz boğazında gəmiçiliyin təhlükəsizliyinin təmin olunmasını və İranın hücum fəaliyyətlərinin dayandırılmasını nəzərdə tutur.