Türkiyə Prezidenti Rəcəb Tayyib Ərdoğan Misirin Türkiyə, Səudiyyə Ərəbistanı və Pakistan arasında imzalanan qarşılıqlı müdafiə sazişinə qoşula biləcəyini bildirib. Ərdoğan “Əl-Cəzirə”yə müsahibəsində Məkkə Birgə Müdafiə Sazişinin yeni üzvlərin qoşulmasına açıq olduğunu və Qahirənin mümkün iştirakının nəzərdən keçirilən variantlardan biri olduğunu deyib.

Türkiyənin xarici işlər naziri Hakan Fidan Misirin “Məkkə İttifaqı”na qoşulması ilə bağlı danışıqların davam etdiyini bildirib. Fidan Misiri Türkiyənin “təbii tərəfdaşı” adlandıraraq, “İnşallah yaxın zamanda rəsmi tərəfdaşımız da olacaq” deyib. O, ittifaqın heç bir ölkəyə qarşı yönəlmədiyini, məqsədinin region ölkələri arasında təhlükəsizlik, suverenlik və rifah sahəsində əməkdaşlığı gücləndirmək olduğunu vurğulayıb.