Prezident Luis Arce Santa Cruz, Cochabamba və Noel Kempff Mercado bölgələrində baş verən yanğınlarla mübarizə məqsədilə Nazirlər Şurasının qərarı ilə ölkədə fövqəladə hal tətbiq edildiyini açıqlayıb. Prezident Arce yanğınların daha da genişlənə biləcəyini qeyd edərək, beynəlxalq həmrəylik və yardımların sürətlə çatdırılması üçün tədbirlər görüldüyünü bildirib. Mülki Müdafiə Nazirinin müavini Xuan Karlos Kalvimontes isə yanğınsöndürən və hərbi qrupların biomüxtəlifliyi qorumaq üçün intensiv çalışdığını qeyd edib.

Milli Qasırğa Mərkəzi (NHC) tropik fırtınadan qasırğaya çevrilən “Erin”in bu gün axşam saatlarında Şimali Karolina sahillərinə çatacağını açıqlayıb. Saatda 110 km sürətlə irəliləyən və hazırda 2-ci kateqoriya gücündə olan qasırğanın xüsusən sahilyanı ərazilərdə təhlükə yaradacağı bildirilib. Qasırğa səbəbindən Outer Banks bölgəsində dalğaların 7 metrə çatacağı proqnozlaşdırılır və sakinlər üçün evakuasiya əmri verilib. Dövlət rəsmiləri ştat boyunca xilasetmə əməliyyatlarının aparıldığını və insanlara dənizdən uzaq durmaq barədə xəbərdarlıq edib.

, Pireney yarımadasındakı iki ölkədə avqustun əvvəllərindən bəri 560 min hektardan çox meşə yanıb. EFFIS məlumatlarına görə, İspaniyada 344 min hektar, Portuqaliyada isə 216 min hektar ərazi yanıb. İspaniyada yanğınlar xüsusilə Qalisiya, Kastiliya və Leon, Asturiya, Ekstremadura və Madrid ətrafında qeydə alınıb. Ourense bölgəsində yanğınsöndürmə zamanı dörd yanğınsöndürən yaralanıb, 8000-dən çox insan isə təhlükəsizlik üçün evlərini tərk edib. Şimal bölgələrdə 15 əsas yol müvəqqəti bağlanıb.

Yanğın günorta saatlarında Yalınca kəndi yaxınlığındakı meşə sahəsində başlayıb. Hadisə ilə bağlı kənd sakinləri 112 Təcili Zəng Mərkəzinə məlumat veriblər. Əraziyə cəlb edilən yanğınsöndürənlər dərhal alovla mübarizəyə başlayıblar. Fermerlər də təhlükə səbəbindən mal-qaranı tövlələrdən çıxararaq təhlükəsiz ərazilərə aparıblar. Yanğınsöndürənlər hazırda alovun geniş əraziyə yayılmasının qarşısını almaq üçün işlərini davam etdirirlər.

Qalisiya əyalətinin Ourense bölgəsində baş verən yanğınların söndürülməsi üçün İspaniya Hərbi Fövqəladə Hallar Birliyinin (UME) qrupları Larouko şəhəri ətrafında geniş əraziyə yayılan alovun qarşısını almağa çalışır. ​Ayın əvvəlindən Qalisiyada 60 min hektardan çox, il ərzində isə ölkə üzrə təxminən 120 min hektar meşə yanaraq zərər görüb. Qeyd edək ki, bu il İspaniyada təxminən 36 min hektar meşə sahəsi yanıb. Ekoloji Keçid və Demoqrafik Mübarizə Nazirliyinin məlumatına görə, 2025-ci ildə ölkədə 500 hektardan çox ərazini yandıran iri yanğınların sayı son 10 ilin orta göstəricisini keçərək 15-ə çatıb.

Yunanıstan Yanğınsöndürənlər Assosiasiyasının prezidenti Kostas Çiqas ölkədəki meşə yanğınlarının artdığını və yanğınsöndürənlərin çətin vəziyyətlə üzləşdiyini açıqlayıb. Son 4 gündə 242 yanğının baş verdiyi, təxminən 100 min hektar ərazinin zərər gördüyü bildirilib.

İtaliyanın Siciliya adasında yerləşən Etna dağı Avropanın ən hündür aktiv vulkanı kimi tanınır. Vulkanın tez-tez lava və kül püskürməsi həm yerli əhalinin, həm də elmi ictimaiyyətin diqqətini cəlb edir. Püskürmələr zamanı səmaya qalxan tüstü və kül buludları ara-sıra ərazidə hava hərəkətini pozur. Vulkanın lava axınları xüsusilə kənd təsərrüfatı sahələrinə ciddi ziyan vurur. Bu axınlar yaşayış məntəqələrini təhlükə altına qoyur. Bölgədəki mütəxəssislər vulkanın fəaliyyətini daim izləyir və potensial riskləri aradan qaldırmaq üçün erkən xəbərdarlıq sistemləri işə salınır. Buna görə də Etna dağı geoloji tədqiqatlar üçün də böyük beynəlxalq əhəmiyyət kəsb edir.

Mersinin Silifke və Anamur rayonlarında avqustun 13-də başlayan meşə yanğınlarının söndürülməsi istiqamətində hava və quru əməliyyatları fasiləsiz davam edir. Yanğın Balandız və Kırtıl məhəllələri ətrafında meşəlik sahədə başlayıb, güclü külək səbəbindən sürətlə yayılıb. Hadisə nəticəsində altı məhəllədə və yeddi yaşayış məntəqəsində ümumilikdə 984 evdən 1 851 nəfər təxliyə olunub. Yanğının söndürülməsinə 10 helikopter, iki təyyarə, 122 yanğınsöndürmə texnikası və 344 nəfərlik heyət cəlb olunub. Ətraf əyalətlərdən də əlavə qüvvələr göndərilib.

ABŞ-ın Nyu Meksiko ştatının hökuməti Espanola şəhəri və onun ətraf bölgələrində zorakılıq cinayətlərinin və narkotiklərin qanunsuz dövriyyəsinin artması səbəbindən fövqəladə vəziyyət elan edib. Ştatın qubernatoru Mişel Lujan Qrisham bildirib ki, polisə kömək çağırışlarının sayı son iki ildə iki dəfədən çox artıb. Onun sözlərinə görə, cinayət fəaliyyəti evsizliyi, ailə qeyri-sabitliyini və ölümlə nəticələnən həddindən artıq dozaları artıraraq yerli idarələrə böyük yük qoyur.

Türkiyənin Hatay vilayətinin Hassa və Mersinin Silifke rayonlarında dünən başlayan meşə yanğınlarının söndürülməsi istiqamətində havadan və yerdən intensiv işlər aparılır. Güclü külək səbəbindən alovun sürətlə yayılması nəticəsində Hatayda Yukarıbucak və Bademli məhəllələrindən 540 sakin, Silifkedə isə altı məhəllə və beş yaşayış məntəqəsi ehtiyat tədbiri olaraq təxliyə edilib. Yanğınsöndürmə əməliyyatlarına helikopterlər, təyyarələr, 173 texnika və yüzlərlə canlı qüvvə cəlb olunub.

ABŞ-ın Tennessi ştatında güclü yağışlar və daşqınlar nəticəsində, aralarında bir uşağın da olduğu üç nəfər həyatını itirib. Hemilton Bölgəsi Fövqəladə Halların İdarə Olunması Ofisinin sözçüsü Eymi Maksvell bildirib ki, Çattanuqa bölgəsində leysan zamanı üzərinə ağac aşan avtomobildəki biri uşaq olmaqla üç nəfər hadisə yerində ölüb.

Podul tayfunu Tayvanda həyatın iflic olmasına səbəb oldu