İranın raket və mərmi hücumları Hörmüz boğazında gəmi hərəkətinə ciddi təsir edib. Ötən gün boğazdan yalnız altı gəmi keçib ki, bu da son beş həftənin ən aşağı göstəricisidir. Gəmilər təhlükəsizlik səbəbindən bu marşrutdan istifadə etməyə ehtiyatla yanaşırlar. Hörmüz boğazı qlobal enerji daşımaları üçün strateji əhəmiyyət daşıyır. Dünya yanacaq ehtiyatlarının təxminən 20 faizi bu su yolundan keçir. Gəmi hərəkətinin azalması enerji bazarında qiymət artımına səbəb olub. Beynəlxalq bazarlar bölgədəki vəziyyəti diqqətlə izləyir.

Sergey Lavrov, ABŞ-ın Tramp administrasiyasını qlobal enerji bazarlarında təsirini genişləndirmək və Rusiyanın enerji şirkətlərini beynəlxalq bazarlardan sıxışdırmaq məqsədilə addımlar atmaqda ittiham edib. O, ABŞ-ın enerji bazarlarında dominant mövqeyə sahib olmaq istəyini açıq şəkildə bəyan etdiyini və bunun qlobal enerji axınlarını nəzarət altına almağa yönəldiyini bildirib.

Məlumata əsasən, ABŞ Prezidenti Donald Tramp tərəfindən irəli sürülən “Azadlıq layihəsi” təşəbbüsü Vaşinqtonun Hörmüz boğazında yeni reallıq formalaşdırmaq imkanlarının məhdud olduğunu ortaya qoyub. Təşəbbüsün məqsədi İranın boğaz üzərində faktiki nəzarətini zəiflətmək və gəmiçilik azadlığını bərpa etmək idi.