BAKI,VOA Yusif Şərifzadə
Rusiyanın Xarici İşlər Naziri Sergey Lavrov, ABŞ-nin Tramp administrasiyasını qlobal enerji bazarlarında təsirini genişləndirmək məqsədilə bəzi təzyiqlər və addımlar atmaqda ittiham edib.
VOA xəbər verir ki, Lavrov, ABŞ-nin məqsədinin Rusiyanın “Lukoil” və “Rosneft” kimi böyük enerji şirkətlərini beynəlxalq bazarlardan sıxışdıraraq, qlobal enerji axınlarına nəzarətini gücləndirmək olduğunu bildirib.
Lavrov ABŞ-ın qəbul etdiyi doktrinal sənədlərdən birində açıq şəkildə Vaşinqtonun qlobal enerji bazarlarında dominant mövqeyə sahib olmaq istədiyini qeyd edib.
“Onlar bütün mühüm enerji təchizatı marşrutlarını öz nəzarətləri altına almaq istəyirlər”, – deyə o əlavə edib.
Bu açıqlamalar ABŞ və İranın Hörmüz boğazında qarşılıqlı blokada tədbirlərini davam etdirdiyi bir dövrə təsadüf edir. Bu su yolundan dünya enerji resurslarının təxminən 20 faizi daşınır.