ABŞ Beynəlxalq Cinayət Məhkəməsinin daha dörd nümayəndəsinə qarşı sanksiyalar tətbiq edib. ABŞ dövlət katibi Marko Rubio bildirib ki, məhdudiyyətlər Kanada vətəndaşı hakim Kimberli Prost, Fransa vətəndaşı hakim Nikola Giyu, həmçinin Fici vətəndaşı prokuror müavini Şamim Xan və Seneqal vətəndaşı prokuror müavini Mame Mandiyaye Nianqa şamil olunub. Rubionun sözlərinə görə, bu addımın əsas səbəbi Məhkəmənin ABŞ və ya İsrail vətəndaşlarının fəaliyyətlərini araşdırmaq, onların həbs edilməsi və ya saxlanılmasına, məhkəmə qarşısına çıxarılmasına cəhd göstərməsidir. O, Məhkəməni “iflas etmiş institut” adlandırıb.

Avropa İttifaqının (Aİ) xarici işlər nazirləri Rusiyaya qarşı 19-cu sanksiya paketini avqustun 28–dən 30-dək Brüsseldə keçiriləcək qeyri-rəsmi görüşdə müzakirə edəcəklər. Bu barədə Aİ-nin ali nümayəndəsi Kaya Kallas fövqəladə onlayn sammitdən sonra “X” sosial şəbəkəsində məlumat yayıb.

Ukrayna Prezidenti Volodimir Zelenski Rusiyanın müdafiə-sənaye kompleksinə qarşı yeni sanksiyalar tətbiq edib. Sanksiya siyahısında ümumilikdə 39 fiziki şəxs və 55 şirkət var. Onların arasında 43-ü Rusiya, 10-u Çin, 2-si isə Belarus mənşəlidir. Siyahıya daxil edilən rus şirkətləri arasında “Energiya”, Pilotsuz Sistemlər və Texnologiyalar Mərkəzi, habelə “Neyrolab” Süni İntellekt Texnologiyaları Mərkəzi da yer alır.

Avropanın “istəklilər koalisiyası” Rusiyaya qarşı sanksiyaların sərtləşdirilməsinə çağırıb. Böyük Britaniyanın baş naziri Kir Starmerin ofisi tərəfindən, görüşün həmsədrləri adından yayılan bəyanata Fransa prezidenti Emmanuel Makron və Almaniya kansleri Fridrix Mers də qoşulub.

ABŞ prezidenti Donald Tramp avqustun 15-də Alyaskada keçiriləcək sammitdə Ukraynada atəşkəs əldə olunması üçün səylər göstərəcək. Bu barədə Fransa prezidenti Emmanuel Makron, Avropa liderləri və Trampın iştirakı ilə keçirilən onlayn görüşdən sonra açıqlama verib.

Avropa İttifaqı (Aİ) Ukraynada atəşkəs əldə olunacağı halda Rusiyaya qarşı sanksiyaların mərhələli şəkildə yumşaldılması imkanını nəzərdən keçirir, lakin buna qədər bütün məhdudiyyətlər qüvvədə qalacaq.

ABŞ administrasiyasının cümə günü Rusiyaya qarşı ikinci dərəcəli sanksiyalar tətbiq edə biləcəyi gözlənilir. Bu barədə Ağ Evin nümayəndəsi məlumat verib.

Avropa İttifaqı (Aİ), İsrailin Qəzzadakı fəaliyyətləri və humanitar yardımın qarşısını alması səbəbilə ona qarşı sanksiya tədbirlərini nəzərdən keçirir.

ABŞ Prezidenti Donald Tramp bildirib ki, Ukrayna məsələsində irəliləyiş əldə olunmazsa, Rusiyaya qarşı ikinci dərəcəli sanksiyaların tətbiqi hələ də gündəmdədir.

Estoniya hökuməti Belarus Prezidenti Aleksandr Lukaşenko da daxil olmaqla, ümumilikdə 273 Belarus vətəndaşına ölkəyə daimi giriş qadağası tətbiq edib.

Böyük Britaniya Rusiya ilə əlaqəli olan 134 gəmiyə qarşı sanksiyalar tətbiq edib.

Avropa İttifaqının (Aİ) səfirləri Rusiyaya qarşı nəzərdə tutulan 18-ci sanksiya paketini yenidən qəbul edə bilməyiblər.