İsrail prokurorluğu işğal altındakı İordan çayının qərb sahilində baş vermiş hücumlarla bağlı altı israilli məskunlaşmaçıya qarşı terror və digər ağır cinayət ittihamları irəli sürüb. İttihama görə, onlar Deyr Dibvan kəndində yanğınlar törədib, avtomobilləri yandırıb, məscidə ziyan vurub və yaşayış evlərinə hücum ediblər. İsrail polisi hadisənin əvvəlcədən planlaşdırıldığını və şübhəlilərin kəndə maskalı şəkildə daxil olduqlarını bildirib. Məlumata görə, onların üzərində alışdırıcı maddələr, gözyaşardıcı qaz və bıçaq olub. Hadisə iyunun 14-də iki yaşayış məntəqəsinə edilən hücumlar zamanı baş verib. İşğal altındakı İordan çayının qərb sahilində məskunlaşma məntəqələrinin fəaliyyəti beynəlxalq hüquq baxımından mübahisə mövzusu olaraq qalır. Bölgədə yaşayan fələstinlilərlə məskunlaşmaçılar arasında gərginlik son dövrlərdə davam edir. İttihamların irəli sürülməsi hadisə ilə bağlı hüquqi araşdırmanın növbəti mərhələsi hesab olunur.

Türkiyə Prezidenti Rəcəb Tayyib Ərdoğan iyirmi üç aprel Milli Suverenlik və Uşaq Bayramı ilə yanaşı Türkiyə Böyük Millət Məclisinin açılışının yüz altıncı ildönümü münasibətilə keçirilən rəsmi qəbulda iştirak edib. Parlament sədri Numan Kurtulmuşun ev sahibliyi etdiyi tədbirdə dövlət başçısı gündəmdəki mühüm məsələlərlə bağlı jurnalistlərin suallarını cavablandırıb.

Şanlıurfa və Kahramanmaraşda baş vermiş məktəb hücumlarından sonra Türkiyənin səksən bir vilayətində həyata keçirilən kiber patrul fəaliyyəti nəticəsində ələ keçirilən şübhəlilərdən yüz yetmiş nəfəri məhkəmə qərarı ilə həbs olunub. Türkiyə Daxili İşlər Nazirliyindən alınan məlumata görə Polis Baş İdarəsi və Daxili Qoşunlar Baş Komandanlığına bağlı kiber cinayətkarlıqla mübarizə bölmələri sosial mediada xalqı kin və düşmənçiliyə sövq edən həmçinin dezenformasiya yayan hesablara qarşı genişmiqyaslı əməliyyatlar keçirib.

Türkiyənin Yalova şəhərində 3 polis əməkdaşının şəhid olduğu silahlı qarşıdurmadan sonra DEAŞ terror təşkilatına qarşı keçirilən genişmiqyaslı əməliyyatlar çərçivəsində saxlanılan 42 şübhəlidən 26-sı həbs olunub. Dekabrın 29-da saat 03:00 radələrində İsmet Paşa məhəlləsi, Seher küçəsində DEAŞ-a qarşı aparılan əməliyyat zamanı bir evdən açılan atəş nəticəsində polis əməkdaşları İlker Pehlivan (47), Turgut Külünk (50) və Yasin Koçyiğit (49) şəhid olub. Hadisə zamanı 8 polis əməkdaşı və 1 mühafizəçi yaralanıb.

Türkiyənin Milliyyətçi Hərəkat Partiyasının (MHP) sədri Dövlət Baxçalı terrordan azad Türkiyə hədəfinə nail olmaq üçün iradəli olduqlarını vurğulayıb. O bildirib ki, terror problemini həll etməklə həm Türkiyə, həm də türk xalqı qazanacaq və prosesə mane olmaq istəyənlərə sərt reaksiya göstərəcək. “Şəhid ailələrimiz narahat olmasın, qazilərimiz qorxuya düşməsin. Heç vaxt başlarını aşağı etməyəcəyik. Bizim heç bir bazarlığımız yoxdur və Türkiyənin suverenliyini zədələyəcək hər hansı yanlış addımda yer almarıq”, – Bahçeli qeyd edib.

Türkiyənin Qaziantep vilayətində Əl-Qaidə və İŞİD terror təşkilatlarının təbliğatını aparmaq və İŞİD-ə üzv olmaq ittihamı ilə saxlanılan 10 şübhəlidən 7-si həbs edilib. Bu barədə Qaziantep Valiliyi məlumat yayıb. Məlumata görə, Təhlükəsizlik Müdirliyinin Terrorla Mübarizə Şöbəsi əməkdaşları Baş Prokurorluqla koordinasiyalı şəkildə şəhərdə müəyyən edilən ünvanlara əməliyyat keçirib. Əməliyyat nəticəsində 10 nəfər saxlanılıb.

“Terrorsuz Türkiyə” prosesi ölkənin inkişafına, şərq ilə qərb arasında ümumi zənginləşməyə və rifaha xidmət edəcək. Bu fikri Türkiyə Böyük Millət Məclisinin (TBMM) sədri Numan Kurtulmuş səsləndirib. O bildirib ki, terror probleminin tamamilə aradan qaldırılması yalnız təhlükəsizlik tədbirləri ilə mümkün deyil. Bu, çoxşaxəli və hərtərəfli yanaşma tələb edən prosesdir. Kurtulmuş, həmçinin cəmiyyətin müxtəlif təbəqələrinin dinlənməsinin vacibliyini vurğulayıb, eyni zamanda sürətli addımların atılmasının da zəruriliyini qeyd edib.

Türkiyəni terror bəlasından xilas edəcəyik. Bu sözləri Türkiyə prezidenti Rəcəb Tayyib Ərdoğan Malatyada keçirilən 300 mininci Təbii Fəlakət Mənzili Püşkatma mərasimində çıxış edərkən səsləndirib. “Bizim gündəmimizdə yalnız ölkəni terror bəlasından əbədi olaraq xilas etmək var. Bu çərçivədə səbrlə və soyuqqanlılıqla çalışırıq. Məqsədimizə yaxınlaşdıqca hücumlar daha da artır. Bir tərəfdən əsassız xəbərlərlə şəhid və qazi ailələrimizi narahat etməyə cəhd edirlər. Muhtarlıqların bağlanması isə əsla gündəmdə deyil” – deyə, Ərdoğan bildirib.

“Terrorsuz Türkiyə” prosesinin heç bir mərhələsində terror təşkilatı ilə danışıqlar aparılmayıb və bundan sonra da aparılmayacaq. Bunu Türk Böyük Millət Məclisinin (TBMM) sədri Numan Kurtulmuş Malazgirt Zəfərinin 103-cü ildönümü münasibətilə Afyonkarahisar şəhərində qeyri-hökumət təşkilatlarının (QHT) nümayəndələri ilə görüşdə çıxış edərkən deyib.

“Terrorsuz Türkiyə” dövründə qarşımızdakı qızıl fürsət itirilməməli, qardaşlıq ruhu və milli birliyimiz zədələnməməlidir. Bu sözləri Türkiyənin Milliyyətçi Hərəkat Partiyasının (MHP) sədri Devlet Bahçeli deyib. Bahçeli çıxışında Türk millətinin tarix boyu mədəniyyətin daşıyıcısı olduğunu vurğulayıb və millətin birliyindən narahat olan dairələrin planlarına diqqət çəkib.

Maduro ABŞ-ın “narkotiklərlə mübarizə” siyasətini tənqid edərək, narkotik ticarətinin əsasən Kolumbiya və Mərkəzi Amerika üzərindən idarə olunduğunu, Venesuelanın isə bu ticarətlə əlaqəsinin olmadığını bildirib. O, ABŞ-ın Əfqanıstan, İraq və Liviyaya “terror” bəhanəsi ilə müdaxilə etdiyini xatırladaraq, “Venesuela ərazisi təmizdir, hökumətimiz və silahlı qüvvələrimiz azaddır,” - deyə bildirib. Maduro, ABŞ-ın Karib dənizinə hərbi yerləşdirməsini pisləyərək, narkotiklərin böyük hissəsinin Sakit Okean üzərindən daşındığını, lakin ABŞ-ın öz cəmiyyətindəki narkotik istifadəsi ilə mübarizə aparmadığını vurğulayıb.

Türkiyənin Milliyyətçi Hərəkat Partiyasının (MHP) sədri Devlet Bahçeli “Terrorsuz Türkiyə” prosesinin ilin sonuna qədər başa çatdırılacağını bəyan edib. O o, Türkiyə Böyük Millət Məclisində (TBMM) yaradılan komissiyanın fəaliyyətini yüksək qiymətləndirdiklərini, bütün siyasi partiyaların bu prosesə dəstək verməsinin vacibliyini vurğulayıb.