Makron, Ukrayna münaqişəsinin həlli üçün Rusiya Prezidenti Vladimir Putin, Ukrayna Prezidenti Volodimir Zelenski və ABŞ Prezidenti Donald Tramp arasında keçirilməsi planlaşdırılan üçtərəfli görüşdən sonra Avropa ölkələri və Türkiyənin iştirakı ilə əlavə görüşün keçirilməsini təklif edib.

Ukrayna lideri görüş üçün məkan kimi bir neçə ölkəni nəzərdən keçirdiyini qeyd edib. Onun sözlərinə görə, Türkiyə bu baxımdan əsas variantlardan biridir. Eyni zamanda İsveçrə və Avstriya da görüşün keçirilə biləcəyi ölkələr sırasında göstərilib.

Türkiyə, prezident Bəşşar Əsədin devrilməsindən sonra Şamda səfirliyini yenidən açan ilk ölkə oldu. 15 dekabrda səfirliyin fəaliyyətə başlamasının ardından qarşılıqlı diplomatik səfərlər və danışıqlar intensivləşib. Hazırda Ankara, Suriya Dövlət Başçısı Əhməd əş-Şəraanın ən böyük tərəfdarları arasında göstərilir.

Türkiyə Prezidenti Rəcəb Tayyib Ərdoğan ilə Rusiya Prezidenti Vladimir Putin arasında telefon danışığı baş tutub. Telefon danışığında ikitərəfli münasibətlər də diqqət mərkəzində olub. Tərəflər Rusiya və Türkiyə arasında ticarət və investisiya əlaqələrinin genişləndirilməsi məsələlərini müzakirə ediblər.

NATO Türkiyə ilə bağlı rəsmi açıqlama yayıb. NATO-nun baş katibi Mark Rutte 2026-cı il Liderlər Zirvəsinin 7-8 iyul tarixlərində Türkiyənin Ankarasındakı Beştəpə Kompleksində keçiriləcəyini rəsmən elan edib. Rutte açıqlamasında Türkiyəyə təşəkkür edərək, ölkənin 70 ildən artıqdır ki, ortaq təhlükəsizliyə əvəzsiz töhfələr verdiyini vurğulayıb.

Daxili işlər naziri Ali Yerlikaya əməliyyatların Aydın, Hakkari, Ankara, Balıkəsir və Mersin vilayətlərində keçirildiyini açıqlayıb. Onun sözlərinə görə, saxlanılan şəxslərdən 26-sı barəsində həbs qərarı çıxarılıb, 9 nəfərə məhkəmə nəzarəti tədbiri tətbiq edilib, digər şəxslərlə bağlı istintaq davam etdirilir. Maliyyə Cinayətləri İstintaq İdarəsinin (MASAK) məlumatına görə, həbs edilən şübhəlilərin bank hesablarında ümumilikdə 1,2 milyard türk lirəsi həcmində pul dövriyyəsi aşkarlanıb və həmin hesablara qarşı ehtiyat tədbirləri görülüb.

Türkiyənin daxili işlər naziri Ali Yerlikaya son 10 gündə ölkənin 29 şəhərində FETÖ terror təşkilatına qarşı aparılan əməliyyatlar zamanı 49 şübhəlinin saxlanıldığını, onlardan 39 nəfərinin həbs edildiyini açıqlayıb. Nazir Yerlikaya bu barədə sosial media hesabında məlumat verib. Onun sözlərinə görə, İstanbul, İzmir və Ankara da daxil olmaqla bir çox şəhərdə jandarma qüvvələri tərəfindən koordinasiyalı əməliyyatlar həyata keçirilib. Saxlanılan şəxslər sosial media üzərindən FETÖ təbliğatı aparmaq, təşkilatın hazırkı strukturlarında fəal iştirak etmək, ankesorlu telefonlarla əlaqə yaratmaq və terror təşkilatı ilə əlaqəli saxta yardım qurumlarına maliyyə dəstəyi vermək kimi ittihamlarla axtarılırdı.

Mərkəzi İstanbul olan və beş şəhəri əhatə edən əməliyyatda silahlı cinayət təşkilatına üzv olmaqda şübhəli bilinən 13 nəfər saxlanılıb. İstanbul Respublika Prokurorluğunun araşdırmalarına görə, Səlahəddin Yılmazın rəhbərlik etdiyi cinayət şəbəkəsinə qarşı istintaq aparılıb. İki vəkil də daxil olmaqla 14 nəfər barəsində həbs qətimkan tədbiri seçilib.

Türkiyənin Milli Müdafiə Naziri Yaşar Güler, rəsmi səfərlə Ankaraya gələn Suriya Müdafiə Naziri Murhef Əbu Kasra, Xarici İşlər Naziri Əsəd Həsən Şeybani və Ümumi Kəşfiyyat İdarəsinin rəhbəri Hüseyn əl-Səlimə ilə bir araya gəlib. Milli Müdafiə Nazirliyinin sosial media hesabında yayılan məlumata görə, görüş Milli Müdafiə Nazirliyinin binasında baş tutub və ikitərəfli, həmçinin regional müdafiə və təhlükəsizlik məsələləri müzakirə olunub.

Ankaranın Etimesqut rayonunda səhər saat 07:33-də 3,2 bal gücündə zəlzələ baş verib. Bu barədə Türkiyənin Fövqəladə Halların İdarə Edilməsi Agentliyi (AFAD) məlumat verib. Məlumata əsasən, zəlzələ yerin 4,68 kilometr dərinliyində baş verib. Hər hansı bir dağıntı və ya insan tələfatı qeydə alınmayıb. Zəlzələ Çankaya və Altındağ rayonlarında da hiss olunub.

Afina Aralıq dənizi proseslərindən kənarda qalır, Türkiyə isə gücündən səmərəli istifadə edir. Bu sözləri Yunanıstanın keçmiş xarici işlər naziri Dimitris Avramopulos İstanbulda keçirilən Türkiyə–İtaliya–Liviya Əməkdaşlıq Sammitini şərh edərkən deyib. O Afina hökumətinin Aralıq dənizi ilə bağlı diplomatik proseslərdən kənarda qalmasını tənqid edib.

Türkiyənin daxili işlər naziri Ali Yerlikaya, Suriya daxili işlər naziri Ənəs Hattab və onu müşayiət edən nümayəndə heyətini Ankarada qəbul edib. Görüşdə iki ölkənin daxili işlər nazirlikləri arasında təhlükəsizlik sahəsində əməkdaşlıq imkanları, Suriya Daxili İşlər Nazirliyinə və ona bağlı qurumlara dəstək, təcrübə mübadiləsi, intensiv təlim proqramlarının təşkili və Türkiyədə müvəqqəti qorunma altında olan suriyalıların ölkələrinə qayıdışı ilə bağlı iş birliyi məsələlərinin müzakirə olunduğunu bildirib.