Kreml sözçüsü Dmitri Peskov, Rusiya Prezidenti Vladimir Putinin, ABŞ Prezidenti Donald Trampla paytaxt Moskvada görüşməyə hazır olduğunu açıqlayıb. Peskov, bu təklifin qüvvədə olduğunu bildirib. Rusiyanın, İngiltərə və Fransanın nüvə arsenalının da nəzərə alınması ilə bağlı tələbinin hələ də qüvvədə olub-olmadığına dair sualı cavablandıran Peskov, bu mövzunun aktual olduğunu bildirib. Peskov, əvvəlcə Rusiya və ABŞ arasında Yeni Strateji Silahların Azaldılması Müqaviləsi (New START) ilə bağlı danışıqların başlanmasının vacibliyini vurğulayaraq, “Ancaq gələcəkdə nüvə arsenalı məsələsi də müzakirəyə çıxarılmalıdır. Bu arsenal Avropanın təhlükəsizliyi və strateji sabitliyi ilə bağlı məsələnin tərkib hissəsidir,” deyib.

ABŞ prezidenti Donald Tramp bəyan edib ki, rusiyalı həmkarı Vladimir Putinə qarşı səbri tükənir və Ukrayna müharibəsi fonunda sanksiyalar tətbiq edə bilər. Tramp bununla yanaşı, Kiyevin də müəyyən güzəştlərə getməsinin vacibliyini vurğulayıb. O, hər iki tərəfin razılaşmaya nail olmaq üçün töhfə verməsinin önəmini qeyd edib. “Putin razılaşmaq istəyəndə [Ukrayna Prezidenti Volodimir] Zelenski istəmədi. Zelenski istəyəndə isə Putin istəmədi. İndi Zelenski razıdır, amma Putinin mövqeyi sual altındadır. Biz çox sərt addımlar atmağa məcbur olacağıq”, – Tramp bildirib.

Ukrayna prezidenti Volodimir Zelenski Rusiya prezidenti Vladimir Putinin Moskvada ikitərəfli görüş keçirmək dəvətini rədd edib. Zelenski bu barədə Fransa prezidenti Emmanuel Makronla birgə mətbuat konfransında danışıb. Onun sözlərinə görə, dəvət barədə məlumatı ona ABŞ-dakı tərəfdaşları çatdırıblar. Zelenski bir daha Kiyev üçün təhlükəsizlik zəmanətlərinin vacibliyini vurğulayaraq bunun ayrılmaz hissəsinin Ukrayna ordusu olduğunu bildirib. O, bunun üçün silah, maliyyə və hərbi təlimin zəruri olduğunu qeyd edib. Prezident əlavə edib ki, Parisdə “istəklilər koalisiyası” çərçivəsində aparılan danışıqların yekununda iştirakçılar Ukrayna ərazisində müəyyən mövcudluq yaratmaq barədə razılığa gəliblər. Bundan əvvəl Makron 26 ölkənin atəşkəsdən sonra Ukraynaya dəstək qüvvələri yerləşdirməyi rəsmən öhdəsinə götürdüyünü açıqlamışdı.

Rusiya prezidenti Vladimir Putin bildirib ki, Ukrayna prezidenti Volodimir Zelenski ilə görüş imkanını heç vaxt istisna etməyib. Lakin o, belə görüşlərin məqsədəuyğunluğunu şübhə altına alıb. Putin bu barədə Çinə səfərinin yekunlarına həsr olunmuş mətbuat konfransında danışıb.

Almaniya Baş naziri Fridrix Merts, ölkəsinin Ukraynaya hərbi qüvvə göndərməsi ilə bağlı müzakirələrə son nöqtəni qoyaraq, atəşkəs təmin olunana qədər Ukraynaya alman əsgərlərinin göndərilməyəcəyini bəyan edib. Merts bəyan edib ki, hazırda Ukraynanın müttəfiqləri arasında atəşkəs və sülh sazişindən sonrakı mərhələyə dair təhlükəsizlik zəmanətləri ilə bağlı danışıqlar davam edir.

Sənədin 2 sentyabrda Rusiya prezidenti Vladimir Putinin Pekinə səfəri çərçivəsində keçirilən danışıqlarda rəsmiləşdirildiyi bildirilir. Daha əvvəl dövlət başçısının köməkçisi Yuri Uşakov Qazprom və CNPC arasında sənədlərin məhz bu görüşdə imzalanacağını açıqlamışdı.

Rusiyanın Dövlət Başçısı Vladimir Putin Türkiyəni həm ikitərəfli münasibətlərdə, həm də beynəlxalq arenada etibarlı tərəfdaş kimi gördüklərini bildirib və "Türkiyənin bu mövzularda (Rusiya-Ukrayna danışıqlarındakı) xüsusi rolunun tələb olunmağa davam edəcəyinə əminəm" deyib. Kremldən verilən açıqlamaya görə, Putin Çin’in Tiencin şəhərində keçirilən Şanxay Əməkdaşlıq Təşkilatının (ŞƏT) 25-ci Dövlət Başçılar Şurası Zirvəsi çərçivəsində Prezident Rəcəb Tayyib Ərdoğan ilə görüşüb. Putin Ərdoğanla qurucu və qarşılıqlı hörmət əsasında olan şəxsi təmaslarını yüksək qiymətləndirdiyini bildirib: "Bu, yaxşı qonşuluq prinsipləri və Rusiya-Türkiyə münasibətlərinin ənənəvi dostluq prinsipləri ilə tam uyğun gəlir. Türkiyəni həm ikitərəfli münasibətlərdə, həm də beynəlxalq arenada etibarlı və özünü doğrultmuş tərəfdaş kimi görürük."

Dünyanın qeyri-müəyyənlik, Qərb iqtisadiyyatlarında durğunluq, qütbləşmiş diplomatiya və davam edən münaqişələr fonunda yaşadığı bir dövrdə Çinin Tyançzin şəhəri qlobal miqyaslı hadisələrin episentrinə çevrildi. Burada Şanxay Əməkdaşlıq Təşkilatının (ŞƏT) 25-ci sammiti keçirilir. Tədbir təşkilatın tarixində ən genişmiqyaslı görüşdür. Gündəlikdə təkcə təhlükəsizlik, ticarət və inteqrasiya məsələləri deyil, daha dərin və fundamental bir proses - yeni qlobal nizamın arxitekturasının formalaşması dayanır.

Türkiyə Prezidenti Rəcəb Tayyib Ərdoğan Şanxay Əməkdaşlıq Təşkilatının Dövlət Başçıları Şurasının 25-ci Zirvə Toplantısı çərçivəsində Rusiya Prezidenti Putinlə görüşüb. Şanxay Əməkdaşlıq Təşkilatı (ŞƏT) Dövlət Başçıları Şurasının 25-ci Zirvə Toplantısında iştirak etmək üçün Çinin Tianjin şəhərində səfərdə olan Ərdoğan sammit çərçivəsində təmaslarını davam etdirir. Ərdoğan Rusiya prezidenti Vladimir Putinlə görüşündə “Putinin tezliklə ölkəmizə səfərini gözləyirik” deyib.

Rusiya Prezidenti Vladimir Putin Ukraynada davam edən münaqişənin əsas səbəblərindən birinin Qərb ölkələrinin Kiyevi NATO-ya cəlb etmək cəhdləri olduğunu bəyan edib. Onun sözlərinə görə, illərdir davam edən bu siyasət Moskvanın milli təhlükəsizliyi üçün birbaşa təhdid yaradıb.

Rusiya prezidenti Vladimir Putin sentyabrın 1-də Türkiyə prezidenti Rəcəb Tayyib Ərdoğanla görüşəcək. Bu barədə Kremlin nümayəndəsi Yuri Uşakov məlumat verib.

Kreml Rusiyanın Ukrayna ilə mümkün görüşünə dair mühüm açıqlamalar verdi. Kreml rəsmiləri, Ukrayna ilə görüş mövzusunda “əlaqə saxladıqlarını” bildirsələr də, hələlik dəqiq bir tarix müəyyən edilmədiyini qeyd ediblər. Digər tərəfdən, Rusiya Prezidenti Vladimir Putin ilə Ukrayna Prezidenti Volodimir Zelenski arasında keçirilə biləcək istənilən görüşün "yaxşı hazırlanmış" olmasının vacibliyinə diqqət çəkilib. Son olaraq açıqlamada, təhlükəsizlik zəmanətləri çərçivəsində Ukraynada mümkün Avropa birliyi qüvvələrinin yerləşdirilməsinə Kreml tərəfindən qəti şəkildə mənfi yanaşıldığı vurğulanıb.