ABŞ ordusu Qətərin paytaxtı Doha yaxınlığında yerləşən El-Udeyd Hava Bazasından yüzlərlə amerikalı hərbçini təxliyə edib. Nəşrin ABŞ Müdafiə Nazirliyindəki mənbələrə istinadla bildirdiyinə görə, təxliyə prosesi mərhələli şəkildə həyata keçirilib. Eyni zamanda, ABŞ Hərbi Dəniz Qüvvələrinin 5-ci Donanmasının yerləşdiyi Bəhreyndəki bazalardan da müəyyən sayda şəxsi heyətin çıxarıldığı qeyd olunur.

ABŞ-ın Afrika Komandanlığının (AFRICOM) komandanı general Daqvin Anderson Nigeriyaya kiçik bir hərbi qrupun göndərildiyini açıqlayıb. Bu barədə məlumat ABŞ Dövlət Departamentinin rəsmi internet saytında yer alıb. General Anderson ötən il Romada keçirilən tədbir çərçivəsində Nigeriya Prezidenti Bola Ahmed Tinubu ilə görüşdüyünü xatırladıb. Komandanın sözlərinə görə, həmin görüşdə tərəflər regionda təhlükəsizlik sahəsində birgə fəaliyyət göstərmək və əməkdaşlıq etmək barədə razılığa gəliblər.

ABŞ prezidenti Donald Tramp bildirib ki, Amerika ordusu Nigeriyada genişmiqyaslı xristian qətllərinin qarşısını almaq üçün ölkəyə qoşun yeridə və ya hava zərbələri həyata keçirə bilər. Nigeriyada quru qoşunlarının yerləşdirilməsi və ya hava hücumlarının mümkünlüyü ilə bağlı sualı cavablandırarkən Tramp deyib:

ABŞ Quru Qoşunları Kaliforniya startapı “TurbineOne” ilə döyüş tapşırıqlarında süni intellekt texnologiyalarının tətbiqini nəzərdə tutan müqavilə imzalayıb. Müqavilənin dəyəri 98,9 milyon dollar təşkil edir. Layihə çərçivəsində kəşfiyyat məlumatlarını emal edən və döyüş meydanında mümkün təhlükələri, o cümlədən düşmənin gizli mövqelərini və ya pilotsuz uçuş aparatlarını (PUA) müəyyənləşdirən proqram təminatından istifadə olunacaq.

ABŞ prezidenti Donald Trampın administrasiyası Müdafiə Nazirliyinin (Pentaqon) adını dəyişərək onu “Müharibə Nazirliyi” adlandırmağı planlaşdırır. Hökumətin ən böyük qurumuna yenidən “Müharibə Nazirliyi” adının verilməsi üçün Konqresin qərarı lazım ola bilər. Bununla belə, Ağ Ev bu dəyişikliyi həyata keçirmək üçün alternativ yolları da araşdırır. Florida ştatından respublikaçı konqresmen Qreq Stiub illik müdafiə siyasəti qanun layihəsinə düzəliş təqdim edib. Bu dəyişiklik Pentaqonun adının dəyişdirilməsini nəzərdə tutur ki, bu da Konqresdə müəyyən respublikaçı dəstəyinin mövcudluğunu göstərir. Ağ Ev əlavə təfərrüat açıqlamayıb, amma Trampın ötən həftə ABŞ ordusunun hücum qabiliyyətlərinə diqqət çəkən bəyanatına istinad edib. Ağ Evin sözçüsü Anna Kelli bildirib: “Prezident Trampın da qeyd etdiyi kimi, ordumuz yalnız müdafiəyə deyil, hücuma da fokuslanmalıdır. Buna görə də o, Pentaqonda müxtəliflik, bərabərlik və inklüzivlikdən daha çox döyüşçülərə önəm verdi.”