Heydər Əliyev adına Hərbi Liseydə 26-cı buraxılış mərasimi keçirilib. Tədbir döyüş bayrağının sıra meydanına gətirilməsi ilə başlayıb. Ulu Öndər Heydər Əliyevin və şəhidlərin xatirəsi bir dəqiqəlik sükutla yad olunub. Dövlət himni səsləndirilib. Məzunlar təbrik edilərək onlara uğurlar arzulanıb. Liseyin məzunlarının ölkənin müdafiəsində mühüm rol oynadığı vurğulanıb. Onlara döş nişanları təqdim edilib. Mərasim təntənəli marşla başa çatıb.

CNBC-nin məlumatına görə, işçilərinə ən uzun illik məzuniyyət verən 9 Avropa ölkəsi arasında Fransa, Böyük Britaniya, Avstriya, Danimarka, Finlandiya, Norveç, İspaniya, İsveç və Portuqaliya var. Bu ölkələrdə ödənişli məzuniyyət müddəti 22 gündən 30 günə qədər dəyişir. Fransada işçilərə 30 gün ödənişli məzuniyyət təqdim olunur. Böyük Britaniya 28 gün, Avstriya, Danimarka, Finlandiya, Norveç, İspaniya və İsveç isə 25 günlə bu siyahıda yer alır. Portuqaliyada isə bu göstərici 22 gündür.