Bursanın Harmancık bölgəsində baş verən meşə yanğınını törətməkdə şübhəli bilinən 30 yaşlı Ufuk Aytekin, "qəsdən yandırma" ittihamı ilə məhkəməyə çıxarılıb və barəsində həbs qətimkan tədbiri seçilib. Yanğınlarla bağlı aparılan istintaq çərçivəsində saxlanılan Ufuk Aytekinin daha əvvəl FETÖ ilə əlaqəsinə görə haqqında hüquqi tədbirlər görülüb.

Türkiyənin daxili işlər naziri Ali Yerlikaya, Bilecik və İzmir vilayətlərində baş verən meşə yanğınlarından sonra bu ərazilərin “Ümumi Həyata Təsirli Təbii Fəlakət Bölgəsi” elan edildiyini açıqlayıb.

Son iki ildə Türkiyədə meşə yanğınları əhəmiyyətli dərəcədə artıb. Rəsmi məlumatlara görə, 2023 və 2024-cü illərdə ümumilikdə təxminən 42 min  600 hektar meşə sahəsi alovlara təslim olub.