Böyük Britaniya və 21 beynəlxalq tərəfdaş İsrailin Fələstin torpaqlarındakı işğalı dərinləşdirəcək “E1 layihəsi”nə verdiyi təsdiqi kəskin şəkildə pisləyib və bu qərarın dərhal ləğv edilməsinə çağırış edib. Bu barədə Böyük Britaniya, Kanada və Avropa İttifaqının da daxil olduğu 22 tərəfdaş ölkə birgə bəyanat yayıb.

Böyük Britaniya İsrailin işğal altındakı Fələstin torpaqlarında həyata keçirməyi nəzərdə tutduğu “E1 Layihəsi”nə verdiyi yekun təsdiqi pisləyib. Bu barədə Böyük Britaniyanın xarici işlər naziri Devid Lemmi açıqlama verib. Lemmi bildirib ki, layihə həyata keçiriləcəyi halda, Fələstin dövləti iki yerə bölünəcək və iki dövlətli həll perspektivinə ciddi zərbə vurulacaq.

Fələstin Baş naziri Məhəmməd Mustafa, Qəzza zolağını idarə etmək üçün yaxın günlərdə müvəqqəti bir komitə elan ediləcəyini bildirib. Misirə rəsmi səfər edən Baş nazir Mustafa, Misirin Xarici İşlər naziri Bədr Əbdülati ilə birlikdə Misirlə Qəzza arasındakı Rəfah Sərhəd Qapısında mətbuat konfransı keçirib. O vurğulayıb ki, Rəfah keçid məntəqəsi Qəzza xalqı üçün bir yaşayış və nəfəs qapısı olmalıdır və İsrailin xalqı aclığa və zorla köçürməyə məruz qoyan siyasəti qəbuledilməzdir. “Beynəlxalq ictimaiyyət daha təsirli addımlar atmalı və İsraili blokada və aclıq siyasətini dayandırmağa məcbur etməlidir.” - deyə baş nazir qeyd edib.

İsrailin hücumları və blokadası nəticəsində aclıq yaşanan Qəzza zolağında son 24 saatda 2-si uşaq olmaqla 5 fələstinlinin daha aclıqdan həyatını itirdiyi, ümumi sayın 263-ə yüksəldiyi bildirilib. Qəzzə Səhiyyə Nazirliyinin Baş direktoru Munir əl-Burş verdiyi açıqlamada bölgədə aclıq səbəbilə həyatını itirənlərlə bağlı məlumat verib. Burş bildirib ki, İsrailin blokadası və hücumları altındakı Qəzzəyə qarşı tətbiq etdiyi aclıq siyasəti can almağa davam edir. Son 24 saatda 2-si uşaq olmaqla 5 fələstinli aclıq və qidalanma çatışmazlığı səbəbindən həyatını itirib. Burşun sözlərinə görə, 7 oktyabr 2023-cü ildən bəri Qəzzədə 112-si uşaq olmaqla 263 nəfər aclıqdan ölüb.

Qəzzadakı Fələstin hökuməti İsrailin Əqsa Şəhidləri Xəstəxanasını yenidən hədəf aldığını açıqlayıb. Hökumətin Media Ofisinin yaydığı məlumata görə, İsrailin döyüş təyyarələri bu gün xəstəxanaya hava hücumu təşkil edib. Bu, 7 oktyabr 2023-cü ildən bəri həmin xəstəxanaya edilən 13-cü hücumdur. Açıqlamada bildirilib ki, hücum İsrailin Qəzzadakı səhiyyə infrastrukturunu sistemli şəkildə hədəfə almaq niyyətində olduğunu göstərir. “İsrail ordusu bu gün, cümə günü, xəstəxananın içində yerləşən bir qaçqın çadırını – xüsusilə poliklinika şöbəsinin üzərində yerləşən hissəni – bombalayıb”, – deyə məlumatda qeyd olunub.

Türkiyə Respublikasının Xarici İşlər Nazirliyi İsrailin işğal altındakı E1 bölgəsində yeni məskunlaşma planını təsdiqləməsinə sərt reaksiya verib. Nazirlik bu barədə yaydığı yazılı bəyanatda İsrailin atdığı addımı qınayıb. Bəyanatda qeyd olunur ki, E1 bölgəsində məskunlaşma inşası planı Qərbi Şəriə ilə Şərqi Qüdsü faktiki olaraq bir-birindən ayıracaq və bu, beynəlxalq hüquqa və BMT qətnamələrinə açıq-aşkar ziddir.

İsrail ordusunun bu gün səhər saatlarından etibarən Qəzza zolağına həyata keçirdiyi hücumlar nəticəsində 15 fələstinli həyatını itirib. Xəstəxana mənbələrinin və şahidlərin verdiyi məlumata görə, İsrail ordusu Qəzza zolağında yenidən köçkün düşənlərin çadırlarını, mülki insanların evlərini və yardım gözləyən şəxsləri hədəfə alıb. İsrailin Qəzza şəhərinin cənub-şərqində yerləşən Zeytun məhəlləsində bir evi bombalaması nəticəsində 4 fələstinli həyatını itirib, 2 nəfər yaralanıb. Eyni məhəllədə başqa bir evə edilən hücum zamanı da 4 nəfər ölüb.

İsrailin Qəzza zolağı ilə bağlı planları qınama ilə qarşılanır, onların həyata keçirilməsi bölgədəki vəziyyəti daha da gərginləşdirə bilər. Bu barədə Rusiya Xarici İşlər Nazirliyinin bəyanatında qeyd olunub.

ABŞ mərkəzli “Axios” portalı yazır ki, ilkin mərhələdə plan yalnız Qəzza şəhərini əhatə edəcək və qaçqın düşərgələrinə yayılmayacaq. Rəsmi mənbələr bildirir ki, məqsəd oktyabrın 7-dək şəhərdəki bütün mülki əhalini mərkəzi və ətraf bölgələrdəki qaçqın düşərgələrinə köçürmək, ardından isə HƏMAS üzvlərinə qarşı qurudan hücum başlamaqdır.

Plan, İsrail qüvvələrinin hələ nəzarət etmədiyi, xüsusən də Qəzza şəhərinin xarabalıqları ətrafındakı sıx məskunlaşmış bölgələrə irəliləməsini və orada yaşayan fələstinli mülki şəxslərin cənub sahilindəki artıq dolu olan çadır düşərgələrinə məcburi köçürülməsini nəzərdə tutur. Analitiklər bu hərəkətin bölgədə humanitar vəziyyəti daha da ağırlaşdıracağı barədə xəbərdarlıq edirlər.

Qəzza zolağında aclıq və qidalanma çatışmazlığı səbəbindən son 24 saatda daha 5 nəfər həyatını itirib. Bununla birlikdə aclıqdan ölənlərin ümumi sayı 93-ü uşaq olmaqla, 180 nəfərə çatıb.

İslam Dünyası Liqası dünya ölkələrini Fələstin xalqını xilas etməyə, beynəlxalq hüquq və ədalətin yanında dayanmağa və Səudiyyə Ərəbistanı ilə Fransanın birgə rəhbərliyi ilə keçirilmiş “İki Dövlətli Həll” üzrə yüksək səviyyəli beynəlxalq konfransın yekun sənədinə dəstək verməyə çağırıb. Liqanın Baş Katibliyindən yayımlanan açıqlamada təşkilatın baş katibi və Müsəlman Alimlər Şurasının rəhbəri Dr. Məhəmməd əl-İsa bildirib ki, xüsusilə də Fələstin ərazilərindəki faciəvi reallıqlar və ifrat sağçı İsrail hökumətinin davamlı hüquq pozuntuları fonunda bu sənədin dəstəklənməsi təcili və zəruridir.