BAKI, AzerVoice, Nailə Babazadə
Real Madrid-in əfsanəsi Serxio Ramos Meksikanın Monterrey klubundan ayrılaraq Avropaya qayıtmağa hazırdır. Müdafiəçi məqsədini 2026 Dünya Kubokunda İspaniyanı təmsil etməkdə görür və müqaviləsini yeniləməməyi qərara alıb.
AzerVoice xəbər verir ki, Ramos Avropada davamlı oyun imkanı ilə İspaniya millisində yenidən şans qazanmaq istəyir. 39 yaşlı müdafiəçi sonuncu dəfə 2021-ci ildə milli komandada oynayıb və bundan sonra Avropa və Dünya turnirlərinin heyətinə daxil edilməyib.
AS nəşri Ramosu Aymeric Laporte ilə müqayisə edir; Laporte Avropaya qayıdaraq milli komandadakı mövqeyini gücləndirmişdi. Ramos da oxşar strategiya ilə İspaniya millisində yenidən yer almaq niyyətindədir.