Bakı, AzerVoice
AFFA-nın İntizam Komitəsinin iclası keçirilib.
AzerVoice İdman.biz-ə istinadən xəbər verir ki, yığıncaqda Misli Premyer Liqasının IX turunda baş verənlər müzakirə olunub.
“Səbail” – “Şamaxı” oyununda 4 futbolçusu sarı vərəqə alan qonaqlar 700 manat cərimə edilib. Qırmızı vərəqə alan Brahim Konate də “Şamaxı”nı 500 manat ziyana salıb. Futbolçunun özü isə 1 oyun cəzalanıb.
“Turan Tovuz” – “Zirə” matçı bitdikdən sonra qərblilərin azarkeşləri tərəfindən meydançaya kənar əşya atıldığına görə klub 800 manat cərimə edilib. “Sumqayıt” – “Qarabağ” oyununda da “Gənclik şəhəri” təmsilçisinin azarkeşləri tərəfindən meydançaya kənar əşya atılıb. Bu üzdən klub 800 manat ödəyəcək.