BAKI,VOA,Yusif Şərifzadə
Livanın Baş naziri Nəvaf Salam ölkə hökumətinin islahatlara sadiq olduğunu və dövlətin səlahiyyətlərinin gücləndirilməsi istiqamətində fəaliyyətini davam etdirəcəyini bildirib.
VOA xəbər verir ki, Nəvaf Salam bu fikirləri Notr-Dam Universitetinin məzunlarının buraxılış mərasimində çıxışı zamanı səsləndirib. O vurğulayıb ki, hökumət ölkə ərazisinin heç bir hissəsi ilə bağlı güzəştə getməyəcək.
Baş nazir qeyd edib ki, silahlı qüvvələrin yalnız dövlətin qanuni qurumlarının nəzarətində olması prinsipindən geri çəkilmək niyyətində deyillər. Onun sözlərinə görə, silahların yalnız legitim dövlət qüvvələrinin əlində cəmləşdirilməsi vacibdir.
Nəvaf Salam bildirib ki, Livanda vətəndaşın gələcəyinin siyasi və ya məzhəb mənsubiyyətindən asılı olmadığı bir dövlət qurulmalıdır.
O əlavə edib ki, ölkədə müharibə və sülh kimi taleyüklü məsələlərə qərar vermək səlahiyyəti yalnız dövlətə məxsus olmalıdır.