Bakı,AzerVoice
Avropa Çempionatının (EURO-2024) 1/2 final mərhələsi çərçivəsində Fransa millisi İspaniya millisi ilə üz-üzə gələcək.
AzerVoice xəbər verir ki, tərəflər sonuncu dəfə UEFA millətlər liqasının final mərhələsində qarşılaşıblar.
2021-ci ildə keçirilən görüşdə Fransa millisi K.Mbappe və K.Benzemanın vurduğu qollar ilə İspaniya qarşısında 2-1 hesablı qələbə qazanaraq millətlər liqasının qalibi olmuşdu.
Qeyd edək ki, İspaniya millisi 1/8 final mərhələsində Gürcüstanı, 1/4 final mərhələsində isə ev sahibi Almaniyanı məğlub edərək 1/2 final mərhələsinə yüksəlib.
Fransa millisi isə 1/8 final mərhələsində Belçikanı, 1/4 final mərhələsində isə Portuqaliyanı penaltilər seriyasında məğlub edərək 1/2 final mərhələsinə yüksəlib.
