BAKI, AzerVoice

Fenerbahçe rəhbərliyi Joze Mourinyo ilə bağlı qərarını açıqlayıb - O, vəzifəsində davam edəcəkmi?

AzerVoice xəbər verir ki, Ziraat Türkiyə Kubokunda "Qalatasaray"a 2:1 hesabı ilə uduzan və kubokla vidalaşan "Fenerbahçe "nın baş məşqçisi Joze Mourinyo ilə bağlı komanda rəhbərliyi yeni bir qərar verib.

"Fenerbahçe "nın prezidenti Ali Koç əvvəllər bildirib ki, Mourinyo komandada qalacaq, lakin "Qalatasaray"la növbəti məğlubiyyətdən sonra klub rəhbərliyi təcili toplantı keçirib. Görüşdə bir qisim idarə heyəti üzvləri Mourinyo ilə davam etmək lazım olduğunu bildirsələr də, böyük əksəriyyət Portuqaliyalı məşqçi ilə yolların ayrılmasını müdafiə edib.

Fenerbahçe rəhbərliyi, Superliqa matçlarının davam etdiyi dövrdə məşqçi dəyişikliyinə getmək istəməsələr də, bu qərarı mövsümün sonunda verməyi planlaşdırır. Məlumatlara görə, Mourinyonun müqaviləsində xüsusi təzminat maddəsi olmadığı üçün rəhbərlik qərar versə, Portuqaliyalı məşqçiyə yalnız gələn ilin maaşı ödəniləcək.

"Fenerbahçe "nın Trabzonsporla oynayacağı matçın nəticəsi rəhbərliyin gələcək addımlarını müəyyən edəcək.