Bakı,AzerVoice
Beşiktaşın və Türkiyə millisinin gənc ulduzu Semih Kılıçsoy Almaniya Bundesliqa komandalarından Ayntraxt Frankfurt-a transfer ola bilər.
AzerVoice xəbər verir ki, alman klubu transfer üçün ilk addımını ötən ilin oktyabrında İstanbulda Beşiktaşla keçirdikləri oyunda atıb.
Semih Kılıçsoy əvvəlki açıqlamasında Bundesliqaya müsbət yanaşdığını, lakin prioritetinin Beşiktaşda çempionluq olduğunu bildirmişdi.
Semihin vəziyyətini və şərtlərini soruşan Frankfurt təxminən 20 milyon avroluq transfer büdcəsi ayırıb.
Beşiktaşın infrastrukturunda məşq edən 19 yaşlı futbolçunun "qara-ağlar"la müqaviləsi 2028-ci ilə qədər davam edir.
Hazırda bazar dəyəri 15 milyon avro olan gənc futbolçu bu mövsüm 16 oyunda bir qol vurub, dörd məhsuldar ötürmə edib.