Avropa İttifaqının Mediasiya Direktivi (2008/52/EC) mülki və kommersiya mübahisələrinin məhkəmədənkənar həllini təşviq etmək, mediasiyanın keyfiyyətini artırmaq və üzv dövlətlər arasında sərhədlərarası mübahisələrin səmərəli həllini təmin etmək məqsədi daşıyır. Direktiv mediasiyanı məhkəmə araşdırmasına alternativ deyil, onu tamamlayan mexanizm kimi qiymətləndirir. Əsas məqsəd tərəflərin daha az vaxt və xərc sərf etməklə, qarşılıqlı razılıq əsasında davamlı həllə nail olmalarını təmin etməkdir.

Mədəniyyət Nazirliyi və Heydər Əliyev Fondunun birgə təşkilatçılığı ilə Şuşa şəhərində keçirilən Vaqif Poeziya Günləri çərçivəsində “Sözün həsrəti–Heydərbabaya salam" adlı bədii-musiqili kompozisiya nümayiş olunub.

Lev Tolstoy dünya realist ədəbiyyatının ən böyük sütunlarından biri olmaqla yanaşı, insan qəlbinin dərin mənəvi axtarışlarını sənətə çevirən dahi mütəfəkkirdir. 1828-ci ildə zadəgan ailəsində doğulan müəllif, gənclik illərində Qafqazda hərbi xidmətdə olmuş və bu dövrdə yerli xalqların həyat tərzinə, sarsılmaz iradəsinə və dağların vəhşi gözəlliyinə heyran qalmışdır. Onun yaradıcılığında Qafqaz coğrafiyası sadəcə bir fon deyil, insan xarakterini sınağa çəkən amansız və təmizləyici bir mühit kimi çıxış edir. Tolstoy imperiya ordusunda xidmət etsə də, müharibənin gətirdiyi amansızlığı, talançılığı dərindən sorğulamış və sonradan barışmaz bir sülh tərəfdarına çevrilmişdir. Onun yazıları sadə və süssüz dili ilə seçilir; o, həqiqəti olduğu kimi nümayiş etdirməyin ən böyək sənətkarlıq olduğuna inanırdı. Müəllifin Qafqaz mövzusunda yazdığı əsərlər onun humanizm fəlsəfəsinin ilk rüşeymlərini daşıyır. Z nəsli üçün Tolstoy, qərəzlərdən uzaqlaşaraq fərqli mədəniyyətlərə hörmətlə yanaşmağın və hər bir şəraitdə ləyaqəti qorumağın zamansız nümunələrini təqdim edən dahi ustad sayılır.

Linux sistemlərində, xüsusilə də veb və verilənlər bazası serverlərində zamanın saniyəsi-saniyəsinə dəqiq olması kritik əhəmiyyət kəsb edir. Əgər serverin saatı və tarixi yanlış olarsa, loq yazıları qarışar, təhlükəsizlik sertifikatları (SSL) etibarsız sayılar və planlaşdırılmış tapşırıqlar (cron jobs) səhv vaxtda işə düşər. Linux terminalında sistem saatını yoxlamaq, vaxt zonasını (timezone) dəyişmək və təqvimi idarə etmək üçün xüsusi və çox effektiv komandalar mövcuddur. Bu məqalədə biz sistem zamanını idarə etməyin incəliklərini öyrənəcəyik.

Hekayə 1942-ci ildə Şimali Afrikada — Kasablankanın qum təpələri arasında başlayır. Kanadalı kəşfiyyat zabiti Maks Vatan (Brad Pitt) Almaniya səfirini öldürmək üçün təşkil edilən gizli missiyada fransız müqavimət döyüşçüsü Marianna Bozeşur (Marion Cotillard) ilə müttəfiq (ər-arvad) rolunu oynamalı olur. Bu təhlükəli və ölümcül missiya zamanı saxta evlilik oyunu real hisslərə yol açır və onlar bir-birlərinə aşiq olurlar.

Heydər Əliyev Fondunun vitse-prezidenti Leyla Əliyeva Budapeştdəki Etnoqrafiya Muzeyində “Azərbaycan xalçaları – ənənədən müasir incəsənətə” sərgisinin təqdimatında iştirak edib. Leyla Əliyevanın təşəbbüsü ilə təşkil olunan sərgidə XVII–XX əsrlərə aid nadir tarixi xalçalar, eləcə də ənənəvi tekstil nümunələri, milli geyimlər, zərgərlik məmulatları, xalça eskizləri və müasir incəsənət əsərləri nümayiş etdirilir.

Polşa nümayəndə heyətinin rəhbəri, İnkişaf Fondları və Regional Siyasət Nazirliyinin dövlət katibi Yan Şişko ilə görüşdə Katovitsedə keçirilmiş WUF11-in irsi, eləcə də Bakıda təşkil olunan WUF13-ün nəticələrinin Yeni Şəhər Gündəliyinin həyata keçirilməsi və qlobal miqyasda dayanıqlı şəhər inkişafına töhfəsi müzakirə edilib.

Karyeranızı inkişaf etdirmək, yeni peşə bacarıqları qazanmaq və əmək bazarında rəqabət qabiliyyətinizi artırmaq istəyirsiniz? O zaman Azərbaycan İqtisad Universitetinin (UNEC) nəzdində fəaliyyət göstərən Azərbaycan Maliyyə-İqtisad Kollecinin əlavə təhsil proqramları sizin üçün əla fürsətdir.

Kambocada yaxın vaxtlarda Azərbaycanın “ASAN xidmət” modeli tətbiq olunacaq. Bu barədə “ASAN xidmət” məlumat yayıb. Kambocanın Azərbaycandakı yeni səfiri Sok Çea “ASAN xidmət” mərkəzinin fəaliyyəti ilə tanış olub. Dövlət Agentliyinin sədri Ülvi Mehdiyev qonağa xidmət mərkəzlərinin fəaliyyəti və innovativ həllər barədə məlumat verib. Bildirilib ki, “ASAN xidmət” modeli artıq 35-dən çox ölkəyə ixrac olunur. Görüşdə Kamboca ilə imzalanmış Anlaşma Memorandumunun icrası da müzakirə edilib. Tərəflər əməkdaşlığın genişləndirilməsi istiqamətində görülən işləri nəzərdən keçiriblər. Layihə Azərbaycanın uğurlu dövlət xidmətləri modelinin beynəlxalq miqyasda yayılmasının növbəti nümunəsi hesab olunur.

Mədəni İrsin Qorunması, İnkişafı və Bərpası üzrə Dövlət Xidməti beynəlxalq mükafat qazanıb. Qurum mədəni irsin rəqəmsallaşdırılması və məlumatlara əsaslanan mühafizə sahəsində əldə etdiyi nəticələrə görə fərqləndirilib. Mükafat Birləşmiş Ərəb Əmirliklərində keçirilən beynəlxalq müsabiqə çərçivəsində təqdim olunub. Qiymətləndirmə zamanı tarixi abidələrin rəqəmsal qeydiyyatı, vahid məlumat bazalarının yaradılması və yenilikçi idarəetmə üsullarının tətbiqi nəzərə alınıb. Dövlət Xidmətinin altı istiqamət üzrə təqdim etdiyi elektron xidmətlər də yüksək qiymətləndirilib. Vətəndaşların müraciətlərini rəqəmsal qaydada izləyə bilməsi şəffaflığı və xidmət keyfiyyətini artıran amil kimi göstərilib. Mükafat qurumun rəqəmsal inkişaf sahəsində gördüyü işlərin beynəlxalq səviyyədə tanındığını təsdiqləyir. Bu, Dövlət Xidmətinin cari ildə qazandığı növbəti beynəlxalq uğurdur.

İyulun 16-da Birləşmiş Millətlər Təşkilatının (BMT) Nyu-Yorkdakı mənzil-qərargahında Yeni Şəhər Gündəliyinin icrasının ortamüddətli icmalına həsr olunmuş BMT Baş Assambleyasının yüksəksəviyyəli iclası keçirilib. Dövlət Şəhərsalma və Arxitektura Komitəsinin sədri Anar Quliyev iclasın açılış mərasimində çıxış edib, daha sonra isə plenar iclasda Azərbaycan Respublikasının milli bəyanatını təqdim edib.

“AzerGold” QSC vətəndaşları son vaxtlar şirkətin adından istifadə olunmaqla həyata keçirilən saxta investisiya kampaniyaları və fişinq xarakterli kiberdələduzluq halları ilə bağlı diqqətli olmağa çağırıb. Şirkətdən bildirilib ki, son dövrlər sosial media platformalarında və müxtəlif internet resurslarında “AzerGold”un adından istifadə edilərək saxta investisiya və reklam kampaniyalarının yenidən aktivləşdiyi müşahidə olunur.