Modelin UNESCO-nun ən nüfuzlu platformalarından birində ayrıca müzakirəyə çıxarılması Azərbaycana etimadın göstəricisidir

Cəbrayıl rayonunun Həsənli kəndi ərazisində mina partlayışı baş verib. Hadisə zamanı Qumlaq kənd sakini Elşən Şəmilov xəsarət alıb. O, minalardan təmizlənməmiş ərazidə traktorla torpaq şumlayarkən mina partlayışı baş verib. Yaralı müxtəlif dərəcəli bədən xəsarətləri alıb. Hadisə ilə bağlı araşdırma aparılır. Məlumat Daxili İşlər Nazirliyi, Baş Prokurorluq və ANAMA tərəfindən yayılıb. Vətəndaşlara təhlükəli ərazilərə daxil olmamaq tövsiyə edilib.

MEDİA-nın təşkilatçılığı ilə Milli Mətbuat Gününə həsr olunmuş tədbir keçirilib. Tədbirdə Dövlət Himni səsləndirilib, Ümummilli Lider Heydər Əliyevin və şəhidlərin xatirəsi yad olunub. Çıxış edənlər Azərbaycan milli mətbuatının 151 illik inkişaf yolunu və media siyasətinin uğurla davam etdirildiyini vurğulayıblar. Tədbirdə peşəkar jurnalistikanın inkişafı, informasiya təhlükəsizliyi və etik media prinsiplərinin əhəmiyyəti qeyd olunub. Milli Məclisin deputatı Vüqar Rəhimzadə və Mətbuat Şurasının sədr müavini Səadət Məmmədova mətbuatın cəmiyyət üçün rolundan danışıblar. AZTV-nin sədr müavini Rafiq Həşimov televiziya və radionun maarifləndirici missiyasını önə çəkib. Sonda milli mətbuatın tarixinə həsr olunmuş videoçarx nümayiş etdirilib və tədbir bədii proqramla davam edib.

Misir Ərəb Respublikasında fəaliyyət göstərən Əfqanıstan Tələbələr Birliyi Misir–Azərbaycan Dostluq Cəmiyyətinin İdarə Heyətinin sədri, Misir Ərəb Respublikasında Azərbaycan icmasının sədri, Qahirə Universitetinin müəllimi, doktor Seymur Nəsirovu tələbələrə göstərdiyi uzunmüddətli dəstəyə və xeyriyyəçilik fəaliyyətinə görə təltif edib.

Agentliyin rəhbəri Orxan Məmmədov sosial media paylaşımında qeyd edib ki, KOBİA sahibkarlığın inkişafı, biznesə dövlət dəstəyi və Agentliyin fəaliyyətinin işıqlandırılmasında medianın rolunu yüksək qiymətləndirir. O, həmçinin jurnalistlərə uğurlar arzulayıb.

“Bu, sadəcə bir qəzet deyil… Bu, Millətin bağrında yandırılan həqiqət məşəlidir. Doğrunu axtaran, yanlışı üzə çıxaran, milləti oyadan vicdanın səsidir. Bu məşəl Vicdan məşəlidir!” Əli bəy Hüseynzadənin Turan məfkurəsini, milli kimliyi və əsaləti “Həyat” və “Füyuzat” vasitəsilə millətin ruhuna hopdurması…

TikTok ABŞ-ın təhlükəsizlik direktoru Uill Ferrell sentyabrın 15-də Konqresdə ifadə verəcək. Dinləmədə şirkətin Çinlə əlaqələri və məlumat təhlükəsizliyi məsələləri araşdırılacaq. ABŞ qanunvericiləri uzun müddətdir TikTok-un milli təhlükəsizlik riski yarada biləcəyini iddia edirlər. ByteDance ABŞ bölməsində müəyyən payını saxlayır. TikTok-un ABŞ fəaliyyəti yeni birgə müəssisə modeli ilə davam etdirilir. Məsələ ABŞ-Çin texnologiya rəqabətinin əsas mövzularından biri olaraq qalır.

Yeni təşəbbüslər iki ölkə arasında humanitar əlaqələri daha da genişləndirəcək.

Son dövrlər Azərbaycanda tanınmış aktyor Taleh Yüzbəyovun rol aldığı reklam çarxının qadın quditoriyası və gender fəalları arasında ciddi narazılıq və müzakirələr yaratması, reklam sənayesində etik sərhədlər və gender həssaslığı mövzusunu yenidən gündəmə gətirdi.

ABŞ-ın Süni İntellekt Standartları və İnnovasiya Mərkəzinin rəhbəri Kris Fall istefa verib. O, vəzifəyə təyin olunmasından üç ay sonra postunu tərk edib. ABŞ Ticarət Nazirliyi istefanın səbəbini açıqlamayıb. Arvind Raman müvəqqəti olaraq onun vəzifəsini icra edəcək. Fallın gedişi Tramp administrasiyasının süni intellekt siyasətində yeni dəyişiklik kimi qiymətləndirilir. Süni intellekt sınaq institutu qabaqcıl modellərin təhlükəsizlik risklərini araşdırır. Qurum “OpenAI”, “Google DeepMind” və digər şirkətlərlə əməkdaşlıq edir.

Bakı və Ankara arasında hərbi polis əməkdaşlığı güclənir.

Dini Qurumlarla İş üzrə Dövlət Komitəsinin sədri Ramin Məmmədov “Pir Həsən” ziyarətgah kompleksini və Buzovna “Cümə” məscidini ziyarət edib. O, tarixi-dini abidələrin bərpasının milli-mənəvi irsin qorunması baxımından mühüm əhəmiyyət daşıdığını bildirib. Komitə sədri bu məkanların xalqın mənəviyyat rəmzləri olduğunu vurğulayıb. Görüşlərdə Heydər Əliyev Fondunun və dövlətin dini-tarixi abidələrin qorunmasına verdiyi töhfələr qeyd olunub. Din xadimləri həyata keçirilən bərpa işlərinə görə təşəkkürlərini bildiriblər. Tarixi ibadətgahların gələcək nəsillərə ötürülməsinin vacibliyi vurğulanıb. Görüşlərdə Milli Məclisin deputatı Soltan Məmmədov da iştirak edib.