BAKI,VOA
Azərbaycan Hava Yolları (AZAL) Naxçıvan istiqamətində planlaşdırılan bəzi reysləri ləğv edib.
VOA xəbər verir ki, bu qərar Naxçıvan aeroportunda müşahidə olunan ildırımlı hava şəraiti ilə bağlıdır.
Məlumata görə, 18 iyun 2026-cı il tarixində həyata keçirilməsi planlaşdırılan J2-293 və J2-2257 nömrəli Bakı–Naxçıvan reysləri yerinə yetirilməyib.
AZAL bildirib ki, sərnişinlərə uçuşlarla bağlı dəyişikliklər barədə əlavə məlumat veriləcək.
Hava şəraiti sabitləşdikdən sonra reyslərin normal rejimdə bərpa olunacağı gözlənilir.
Şirkət vurğulayıb ki, bütün qərarlar sərnişin və ekipajın təhlükəsizliyi nəzərə alınaraq qəbul edilir.
Bildirilib ki, əməliyyatlar beynəlxalq aviasiya təhlükəsizliyi standartlarına uyğun aparılır.