BAKI,VOA

Quba İş Adamlarına Dəstək Platformasının tərəfdaşlığı ilə “Azərbaycanda İslam bankçılığından istifadə mexanizmləri” mövzusunda ödənişsiz seminar təşkil olunacaq.

VOA xəbər verir ki, tədbir iştirakçılarına alternativ maliyyə və investisiya imkanları barədə məlumat verilməsi məqsədi daşıyır.

Seminar çərçivəsində Azərbaycanda tətbiq olunan İslam maliyyə alətləri, o cümlədən mudarəbə (sərmayə iştirakı) və murabaha (alqı-satqı əsasında maliyyələşmə) mexanizmləri, həmçinin bu məhsullara müraciət şərtləri izah ediləcək.

Bununla yanaşı, beynəlxalq maliyyə qurumlarının təqdim etdiyi alətlər, prioritet sektorlar, eləcə də uğurlu müraciət üçün vacib məqamlar və praktiki nümunələr iştirakçıların diqqətinə çatdırılacaq.

Seminarda təlimçi qismində Ruslan Atakişiyev və Arslan Bektaşi çıxış edəcəklər.

Tədbir əsasən aktiv VÖEN-ə malik sahibkarlar və biznes fəaliyyəti ilə məşğul olan şəxslər üçün nəzərdə tutulub.

Seminar 22 aprel 2026-cı il tarixində saat 14:00-dan 16:00-dək Quba Rayon Heydər Əliyev Mərkəzində keçiriləcək.