Qətər Ədliyyə Nazirliyinin Daşınmaz Əmlakın Qeydiyyatı İdarəsində avqustun 2-dən 6-dək qeydə alınmış alqı-satqı müqavilələri üzrə əmlak tədavülünün həcmi 353 milyon 406 min 706 riyala çatıb.

Geopolitik gərginlik Qətərin daşınmaz əmlak sektoruna necə təsir edir?

Həmin dövrdə mənzillər üzrə xüsusi bülletenə daxil olan alqı-satqı müqavilələrinin ümumi məbləği isə 23 milyon 813 min 514 riyal təşkil edib. Böyləliklə, həftə ərzində daşınmaz əmlak bazarındakı ümumi əməliyyatların həcmi 377.220 milyon riyala yüksəlib.

İdarənin həftəlik bülletenində bildirilir ki, satışı reallaşan daşınmaz əmlakların siyahısına boş torpaq sahələri, yaşayış evləri, kommersiya obyekti, yaşayış binaları və mənzillər daxildir.

Alqı-satqı əməliyyatları əsasən Doha, Əl-Vəkra, Ər-Rəyyan, Umm-Səlal, Əş-Zəayn, Əl-Xor, Əd-Zəxirə və Əş-Şamal bələdiyyələrində, həmçinin Lusail 69, Mirvari adası (The Pearl), Əl-Xarayic və Luqtifiyyə ərazilərində cəmləşib.

Xatırladaq ki, iyulun 26-dan 30-dək olan əvvəlki həftədə daşınmaz əmlak alqı-satqısı üzrə tədavülün həcmi 400 milyon riyaldan çox olmuşdu.