Bakı, AzerVoice
Bakıdakı "Rus evi" fəaliyyətini dayandırır.
AzerVoice xəbər verir ki, bu barədə qurumun sosial şəbəkə hesabında yerləşdirilən açıqlamada deyilir.
"Azərbaycan Respublikası Xarici İşlər Nazirliyinin tələbi ilə əlaqədar olaraq “Rossotrudniçestvo”nun Bakıdakı nümayəndəliyi - "Rus Evi" fəaliyyətini dayandırmaq üçün tədbirlər görür", - açıqlamada bildirilib.
Xatırladaq ki, “Rossotrudniçestvo”nun Azərbaycandakı nümayəndəliyi olan Rusiya İnformasiya-Mədəniyyət Mərkəzi – “Rus Evi”nin hüquqi şəxs qismində qeydiyyatının mövcud olmadığı və təşkilatın Azərbaycan qanunvericiliyini ciddi şəkildə pozduğu barədə Rusiya tərəfinə məlumat verildikdən sonra, 3 fevral 2025-ci il tarixində “Rus Evi”nin fəaliyyətinə xitam verilməsi barədə Rusiya tərəfinə nota göndərilib.
Bununla, Azərbaycan tərəfinin ölkəmizdə “Rus Evi”nin fəaliyyətinə xitam verilməsi barədə qərarından irəli gələrək, Rusiya tərəfindən bu istiqamətdə müvafiq tədbirlər həyata keçirilməsi gözlənilir.